,,სამწუხაროა, როდესაც გერმანიის ერთ-ერთი სოლიდური ფონდი აცხადებს, რომ არ უნდა ქართველ ხალხს გაუმხილოს, რა საქმიანობას ეწეოდა,”- ამის შესახებ პარლამენტის ვიცე-სპიკერმა, ნინო წილოსანმა ადენაუერის ფონდის მიერ გაკეთებულ განცხადებაზე საუბრისას აღნიშნა.
„ეს ყველაზე კარგი ტესტია, თუ რა საქმიანობას ეწეოდა ადენაუერის ფონდი, რადგან ახლა მას არანაირი განსაკუთრებული მოთხოვნა არ აქვს. შეგვიძლია, თამამად ვთქვათ, როგორც ჩანს, ადენაუერის ფონდი ისეთ საქმიანობას ეწეოდა, რომელიც არ უნდათ, ქართველმა ხალხმა და საქართველოს სახელმწიფომ გაიგოს, რადგან პრინციპი, რა შემთხვევაშიც შეეძლო მას საქმიანობა განეხორციელებინა, ინფორმაციის მიწოდება იყო, მათ შორის იმ თანხების და შინაარსის შესახებ, რასთან დაკავშირებითაც იღებდა დაფინანსებას. სამწუხაროა, როდესაც გერმანიის ერთ-ერთი სოლიდური ფონდი აცხადებს, რომ არ უნდა ქართველ ხალხს გაუმხილოს, რა საქმიანობას ეწეოდა და მით უმეტეს, მომავალში რა საქმიანობა უნდა, რომ აწარმოოს“, – განაცხადა ნინო წილოსანმა.
შეგახსენებთ, კონრად ადენაუერის ფონდის განცხადებით, ორგანიზაციამ თბილისში ოფისი 2026 წლის 30 სექტემბერს დახურა და ეს ნებაყოფლობითი გადაწყვეტილება არ ყოფილა.
