თურქეთში, ზონგულდაქის პროვინციაში, ქვანახშირის კერძო მაღაროში მეთანი აფეთქდა, რის შედეგადაც ორი მაღაროელი დაიღუპა, ხუთი კი დაშავდა.
დაშავებულთაგან ორი მძიმე მდგომარეობაშია.
აფეთქების ადგილზე გადაუდებელი დახმარების სამსახურები მივიდნენ. დაშავებულებს პირველადი სამედიცინო დახმარება გაუწიეს, შემდეგ კი საავადმყოფოში გადაიყვანეს.
დაწყებულია გამოძიება შემთხვევის გამომწვევი მიზეზების დასადგენად.
