მოსკოვის ოლქში „მაიმუნის ყვავილით“ სავარაუდოდ ინფიცირებულ პირთან კონტაქტში მყოფი ხუთი ადამიანი საავადმყოფოში გადაიყვანეს.
ამ დროისთვის პაციენტები მედიკოსების მეთვალყურეობის ქვეშ იმყოფებიან და მათ შესაბამისი ლაბორატორიული ანალიზები უკვე აუღეს.
ოლქის ჯანდაცვის უწყების ცნობით, პაციენტების ჯანმრთელობის მდგომარეობა დამაკმაყოფილებელია და მათ დაავადების კლინიკური სიმპტომები არ აღენიშნებათ. სიტუაცია სრულ კონტროლზეა აყვანილი.
ცნობისთვის, „მაიმუნის ყვავილი“ იშვიათი ინფექციური დაავადებაა, რომელიც ყველაზე მეტად ცენტრალური და დასავლეთ აფრიკის დაშორებულ რეგიონებშია გავრცელებული.
