საფრანგეთის აღმოსავლეთ ნაწილში, ქალაქ ლანთან ახლოს, ავტობუსი, რომელსაც სკოლის მოსწავლეები გადაჰყავდა, ავარიაში მოჰყვა. შემთხვევის შედეგად ორი ადამიანი დაიღუპა, 16 კი დაშავდა, მათ შორის სამი მძიმე მდგომარეობაშია.
გავრცელებული ინფორმაციით, ავტობუსი გზიდან გადავიდა, გზის სავალი ნაწილი გადაკვეთა და თხრილში ჩავარდა, სადაც ხეს შეეჯახა.
საფრანგეთის ტრანსპორტის მინისტრის, ფილიპ ტაბაროს განცხადებით, დაღუპულებს შორის 7 წლის გოგონა და 18 წლის ახალგაზრდა მამაკაცია.
ავტობუსში სულ 43 მგზავრი იმყოფებოდა, მათ შორის 15 არასრულწლოვანი. შემთხვევის ადგილზე მობილიზებული იყო სამაშველო ჯგუფები და პოლიცია, დაშავებულთა გადასაყვანად კი ვერტმფრენებიც გამოიყენეს.
ავარიის გამომწვევი მიზეზი ჯერჯერობით უცნობია. მომხდარზე გამოძიება დაიწყო.
