ჰორმუზის სრუტეში ბოლო ცხრა დღის განმავლობაში 11 ტანკერის ხანძრის შესახებ ვრცელდება ინფორმაცია. ინციდენტები რეგიონში დაძაბულობის ფონზე მოხდა, სადაც ირანი საზღვაო მიმოსვლაზე კონტროლის გამკაცრებას ცდილობს.
ირანის ისლამური რევოლუციის გუშაგთა კორპუსის (IRGC) საზღვაო ძალების განცხადებით, რამდენიმე ტანკერი სრუტეში გადაადგილებისას აფეთქდა და ცეცხლი გაუჩნდა.
ირანული მხარის მტკიცებით, გემები თეირანის მიერ დადგენილი მარშრუტის გარეშე გადაადგილდებოდნენ და გაფრთხილებებს არ დაემორჩილნენ.
ბოლო შემთხვევის შესახებ ინფორმაცია 1 ნოემბერს გავრცელდა. ირანის სახელმწიფო მედიის ცნობით, ჰორმუზის სრუტეში ორ ნავთობტანკერს საზღვაო ნაღმებზე აფეთქების შედეგად ცეცხლი გაუჩნდა.
