ყვარლის მუნიციპალიტეტის სოფელ შილდაში 20 წლამდე ბიჭი დაჭრეს.
ახალგაზრდას ჭრილობები სავარაუდოდ, არასრულწლოვანმა მიაყენა.
შემთხვევა სოფლის სასაფლაოზე მოხდა.
ადგილობრივების თქმით, შილდაში ქორწილის მეორე დღის აღნიშვნის შემდეგ მეგობრები ერთ-ერთი მათგანის მამის საფლავზე წავიდნენ, სადაც მათ არასრულწლოვანთა ჯგუფთან სიტყვიერი შელაპარაკება მოუვიდათ, რა დროსაც სავარაუდოდ, ერთ-ერთმა არასრულწლოვანმა 20 წლამდე ბიჭი ცივი იარაღით დაჭრა.
დაშავებულს ჭრილობები თავისა და წელის არეში აქვს მიყენებული.
ის საავადმყოფოში მოათავსეს და მის სიცოცხლეს საფრთხე არ ემუქრება.
გამოძიება სსკ-ის 120-ე მუხლით დაიწყო, რაც ჯანმრთელობის განზრახ მსუბუქ დაზიანებას გულისხმობს.
