როგორ ვიკვებოთ სწორად
როგორ ფიქრობთ, სწორად იკვებებით? სწორად კვება მხოლოდ ჯანსაღი საკვების მიღებას გულისხმობს? გაეცანით დიეტოლოგთა რჩევებს, თუ როგორ ვიკვებოთ სწორად.
ჯანსაღი ცხოვრების სტილის უმნიშვნელოვანესი ნაწილი სწორად კვებაა. არ დაუჯეროთ მათ, ვინც გეუბნებათ, რომ ჯანსაღი კვება – ეს მხოლოდ, ხილის, ბოსტნეულის, ხორცის და მეტი წყლის მიღებაა. ეს გაცილებით მეტია, ვიდრე ვიტამინებით გაჯერებული საკვების მიღება. მეცნიერების აზრით, ჩვენი ჯანმრთელობა დამოკიდებულია როგორ, როდის და რამდენს ვჭამთ.
1. როგორ?
კვების მანერის უგულებელყოფა ნამდვილად არ ღირს, რადგანაც მონელება იწყება პირის ღრუდან და არა კუჭიდან. ხანგრძლივად და ნელა ღეჭვა ეხმარება კუჭს მეტი საჭირო ნივთიერებები შეიწოვოს.
2. როდის?
დღის რა მონაკვეთში მიირთმევთ, დიდი გავლენა აქვს ჯანსაღ კვებაზე. გვიან ჭამა საზიანოა, რადგანაც ჩვენი კუჭი ძილის დროს სათანადოდ ვერ მუშაობს. საკვები მოუნელებელი რჩება და გარდაიქმნება ზედმეტ ცხიმებად. ამის საპირისპიროდ, დიეტოლოგები გვირჩევენ, რომ დილით ადრიანად ჭამა სასარგებლოა და ორგანიზმს ამარაგებს საჭირო ნივთიერებებით.
3. რამდენი?
ჯანსაღი პროდუქტიც კი – იქნება ეს ხილი, ბოსტნეული თუ ხორცეული, შესაძლოა დიდი რაოდენობით საზიანოც აღმოჩნდეს. ჩვენს ორგანიზმს მხოლოდ საჭირო ნივთიერებათა გარკვეული რაოდენობა სჭირდება, ზედმეტი რაოდენობა კი, პირიქით, საზიანოა.
დაიმახსოვრეთ, რომ ორგანიზმისთვის აუცილებელია ყველა სახის პროდუქტი და არა მხოლოდ და მხოლოდ ჯანსაღად მიჩნეული საკვები – ხილი და ბოსტნეული.
ჯანსაღი კვების მნიშვნელოვანი ნაწილი დაბალანსებული კვებაა, რომლის შესახებაც საინტერესო რჩევებს შემდეგ სტატიაში გაგაცნობთ. ასევე იხილავთ დიეტოლოგების რჩევას, თუ როგორ უნდა შევავსოთ დღის რაციონი ისე, რომ ორგანიზმმა ყველა საჭირო ნივთიერება მიიღოს.
გისურვებთ ჯანმრთელობას!
წყარო : kulinaria.ge
სიახლეები
- ,,მათ ჩაიდინეს პოლიტიკური დანაშაული საკუთარი ქვეყნის, საკუთარი სახელმწიფოს წინაშე და ამ ცოდვას ასე მარტივად ვერ მოიშორებს „ლელო”- ირაკლი კობახიძე
- ,,ამერიკის ადმინისტრაციას პრეზიდენტ ტრამპის ხელმძღვანელობით აქვს შესაძლებლობა, რომ გამოასწოროს ის არასწორი გადაწყვეტილებები, რაც ბაიდენის ადმინისტრაციამ საქართველოს წინააღმდეგ მიიღო"- კახა კალაძე
- ,,გამოვიდნენ ჯო უილსონი და ეკა გიგაური, თითქოს საქართველო გამოიყენება ირანული სანქციების გვერდის ავლისთვის, ამაზე სამარცხვინო რა უნდა იყოს"- ირაკლი კობახიძე
- ,,საინტერესო, ძალიან კონსტრუქციული საუბარი შედგა საქართველოში ამერიკელი კოლეგების ვიზიტის დროს"- ირაკლი კობახიძე
- სამართალდამცველებმა მესტიის მუნიციპალიტეტში 148 ე.წ. მაინერი ამოიღეს