აჭარული ლობიანი
ინგრედიენტები
მომზადების წესი:
ცომის მოსამზადებლად რამდენიმე რეცეპტი არსებობს, მაგრამ ჩვენ გთავაზობთ მათგან ყველაზე მარტივ მომზადების წესს. თასში ჩაყარეთ 700 გრ. ფქვილი. შუაში გააკეთეთ ჩაღრმავება და დაუმატეთ კვერცხი, საფუარი, შაქარი და მარილი.
35°C-მდე გამთბარი რძე ან წყალი ნელ–ნელა ჩაასხით თასის შუაგულში. მოზილეთ ხელით, გარედან შიგნით.
ხელით გააკეთეთ ცომის გუნდა. თასს გადააფარეთ ცელოფანი და დატოვეთ სულ მცირე 2 საათით თბილ ადგილას, ასაფუებლად.
ლობიოს მომზადება: მოხარშვამდე გააჩერეთ ლობიო ცივ წყალში 2 საათით. წყალი გადაწურეთ, დაუმატეთ დაფნის ფოთლები და 2 ლიტრი წყალი.
ხარშეთ საშუალო ტემპერატურაზე ლობიოს დარბილებამდე, შემდეგ კი წყალი მთლიანად გადმოწურეთ .
მოხარშული ლობიო გადმოიტანეთ ჯამში და დაუმატეთ მარილი და 100 გრ. კარაქი.
ლობიო და კარაქი კარგად დასრისეთ, სანამ არ პიურეს არ დაემსგავსება.
მოაყარეთ ფქვილი სამუშაო ხის დაფას და ცომი გამოყენებამდე გადაზილეთ. გააჩერეთ 10 წუთით.
გაყავით ცომი 4 ნაწილად და თითოეული ნაწილი ხელითვე დაამრგვალეთ.
გააბრტელეთ თითოეული ნაწილი და მიეცით ოვალური ფორმა.
ლობიოს მეოთხედი მოათავსეთ ცომის შუაგულში და ცომი ყველა მხრიდან გადმოკეცეთ.
საცხობ ლანგარს მოაპნიეთ ცოტაოდენი ფქვილი, მოათავსეთ მასზე ლობიანი და შედგით წინასწარგახურებულ ღუმელში დაახლოებით 12 წუთით, მაღალ ტემპერატურაზე. მიირთვით ცხელი, წიწაკის მწნილთან ერთად!
წყარო:kulinaria.ge
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე