ხაჭოს ნამცხვარი ჟოლოთი და მოცვით ფქვილის გარეშე - ნამდვილი საზაფხულო დესერტი
ინგრედიენტები
- ხაჭო - 600 გ
- არაჟანი - 350 გ
- კვერცხი - 4 ც
- შაქარი - 90 გ
- ვანილი
- სახამებელი - 30 გ (კარტოფილის)
- ჟოლო - 150-200 გ
- მოცვი - 150 გ
მომზადების წესები
კვერცხის გული და ცილა განაცალკევეთ. ხაჭოს დაუმატეთ კვერცხის გული, სახამებელი, 250 გ არაჟანი და ჟოლო. ყველაფერი კარგად დააბლენდერეთ. ერთგვაროვან მასას რომ მიიღებთ, მზად არის.
კვერცხის ცილა კარგად ამოიყვანეთ მწიკვ მარილთან ერთად. მასა რომ გათეთრდება და ამოვა, შაქარი შეათქვიფეთ (დაახლოებით, 50 გრამი). ბეზე კარგად რომ ამოვა, ხის ან სილიკონის კოვზით შეურიეთ ხაჭოს ცომს ნელ-ნელა, ეტაპობრივად. ცომი გადაიტანეთ 20 სმ დიამეტრის, პერგამენტიან ფორმაში და გამოაცხვეთ 170 გრადუსზე გახურებულ ღუმელში 40-60 წუთით.
კრემის მოსამზადებლად 100 გ არაჟანს 2 სკ შაქარი დაუმატეთ. გადაანაწილეთ გამომცხვარ ბისკვიტზე, თავზე მოცვი მოაწყვეთ.
გემრიელად მიირთვით!
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე