შეთანხმებები შვეიცარიას საშუალებას მისცემს, ამ ორ ქვეყანაში კლიმატის დაცვის პროექტებით იმაზე დიდი წვლილი შეიტანოს გლობალურად სათბურის აირების ემისიის შემცირებაში, ვიდრე ამას მხოლოდ ადგილობრივი ღონისძიებებით შეძლებდა. 

საქართველოში კლიმატის დაცვის პროექტების დაფინანსებით შვეიცარია პარიზის შეთანხმების ფარგლებში დადებული პირობის შესრულებას ეცდება

პარიზის კლიმატის შეთანხმების ფარგლებში შვეიცარიამ პირობა დადო, რომ 2030 წლისთვის სათბურის აირების ემისიებს ამ ქვეყნის 1990 წლის მაჩვენებელთან შედარებით გაანახევრებდა. სახელმწიფო გეგმავს, ამ მიზანს უმეტესად ქვეყანაში გატარებული ღონისძიებებით მიაღწიოს.