ამასთან, ჯონ კირბის თქმით, პენტაგონს ამ დრომდე არ დაუფიქსირებია არაფერი ისეთი, რაც აშშ-ს სტრატეგიული შემაკავებელი პოზიციების შეცვლისკენ უბიძგებს.

რუსეთის პრეზიდენტის პრესმდივანმა, დიმიტრი პესკოვმა ტელეკომპანია „სიენენთან“ ინტერვიუში რამდენჯერმე აარიდა თავი პასუხს შეკითხვაზე, აპირებს თუ არა ვლადიმერ პუტინი ბირთვული იარაღის გამოყენებას. წამყვანის, ქრისტიან ამანპურის შეკითხვაზე, რა შემთხვევაში აამოქმედებს პუტინი ბირთვულ არსენალს, პესკოვის პასუხი ასეთი იყო: „იმ შემთხვევაში, თუ ქვეყნის არსებობას საფრთხე დაემუქრება“.