„ტრამპმა ბუდაპეშტის სამიტი გააუქმა. აშშ-მა ჩვენი ქვეყნის წინააღმდეგ ახალი სანქციები დააწესა. კიდევ რა იქნება ? Tomahawk-ების გარდა ახალი იარაღი იქნება? თუ კომენტატორებიდან ვინმეს ილუზია ჯერ კიდევ ჰქონდა - აი, ეს მიიღეთ. აშშ ჩვენი მოწინააღმდეგეა, ხოლო მათი საუბრის მოყვარული „მშვიდობისმყოფელი“ რუსეთთან ომის გზას ბოლომდე დაადგა. დიახ, ის ჯერჯერობით ბანდერული კიევის მხარეს სრულად არ იბრძვის, მაგრამ ეს ახლა მისი კონფლიქტია და არა მარაზმატიკი ბაიდენის! რა თქმა უნდა, იტყვის, რომ სხვა გზა არ ჰქონდა და კონგრესმა მასზე ზეწოლა მოახდინა. ეს მთავარს არ ცვლის: მიღებული გადაწყვეტილებები რუსეთის წინააღმდეგ ომის აქტია. ახლა ტრამპი შეშლილი ევროპის მხარეს სრულად დადგა“.

მისი თქმით, ტრამპის გადაწყვეტილებას „აშკარა დადებითი მხარე აქვს“.

„ეს საშუალებას გვაძლევს, რომ ბანდერულ სამალავებს ნებისმიერი სახის იარაღით დავარტყათ, ყოველგვარი მოლაპარაკებების გათვალისწინების გარეშე და გამარჯვებას იქ მივაღწიოთ, სადაც ეს შესაძლებელია - ხმელეთზე და არა საკანცელარიო მაგიდასთან, მტრის განადგურებით და არა უაზრო „შეთანხმებების“ დადებით“.

შეგახსენებთ, აშშ-მა ორი უდიდესი რუსული ნავთობკომპანია - „როსნეფტი“ და „ლუკოილი“ დაასანქცირა. ამის შესახებ განცხადებას აშშ-ის სახაზინო დეპარტამენტი ავრცელებს. ასავე, დასანქცირებულია "როსნეფტისა" და "ლუკოილის" 34 შვილობილი კომპანია.