„ანკარის უარის გამო, მარშრუტი შეიცვალა და თვითმფრინავმა ევროპისა და რუსეთის გავლით იმოძრავა“, – ნათქვამია განცხადებაში.

გამოცემის ცნობით, სტანდარტული მარშრუტით თვითმფრინავს შეეძლო თურქეთის, სომხეთისა და აზერბაიჯანის გავლით ფრენა, რაც მნიშვნელოვნად შეამცირებდა მგზავრობის დროს.

მარშრუტის შეცვლის შედეგად, თელ-ავივიდან ყაზახეთის დედაქალაქამდე ფრენას, დაახლოებით, რვა საათი დასჭირდა.

,,თურქეთის ცა დაკეტილია იარაღის გადამტანი ყველა თვითმფრინავისა და ისრაელის ოფიციალური დელეგაციებისთვის, თუმცა ღიაა მესამე ქვეყნებიდან დაგეგმილი სამოქალაქო რეისებისთვის. ისრაელის ავიაკომპანიებს უფლება აქვთ გამოიყენონ თურქეთის საჰაერო სივრცე ტრანზიტული რეისებისთვის”,- განაცხადა დიპლომატიურმა წყარომ.

ცნობისთვის, თურქეთმა ისრაელთან დიპლომატიური ურთიერთობები ღაზაში სამხედრო ოპერაციის დაწყების შემდეგ გაწყვიტა. ქვეყნებს შორის ურთიერთობები საჭიროების შემთხვევაში მხოლოდ სადაზვერვო სააგენტოების მეშვეობით ხორციელდება.