ფრანგული კვარტალი ამერიკაში, ლუვრი, საგრადა - TripAdvisor-მა მსოფლიოს ყველაზე პოპულარული ღირსშესანიშნაობები დაასახელა
გამოცემა TripAdvisor-მა მსოფლიოს ყველაზე პოპულარული ტურისტული ღირსშესანიშნაობები დაასახელა. ათეულში მოხვდა ის ღირსშესანიშნაობები, რომლებიც 2019 წელს ყველაზე მეტმა ტურისტმა მოინახულა.
აღსანიშნავია, რომ მათ შორის 3 პოპულარული მიმართულება აშშ-ში, 2-2 საფრანგეთსა და იტალიაშია.
კოლიზეუმი - რომი, იტალია;
კოლიზეუმი იტალიის სიმბოლოდ ითვლება და მას ყოველწლიურად მილიონობით ადამინი სტუმრობს. კოლიზეუმი ახ. წ. I საუკუნეში აშენდა და ის გლადიატორების საბრძოლო არენას წარმოადგენდა.
ლუვრის მუზეუმი - პარიზი, საფრანგეთი;
ლუვრი მსოფლიოში ყველაზე ცნობილ მუზეუმად ითვლება. აქ ისეთი ცნობილი ხელოვნების ნიმუშები ინახება, როგორიც ლეონარდო და ვინჩის მონა ლიზაა.
ვატიკანის მუზეუმები - რომი, იტალია;
ვატიკანის მუზეუმები ქალაქ-სახელმწიფო ვატიკანში მდებაროებს და მუზეუმების კომპლექსს აერთიანებს. აქ მთელი მსოფლიოდან ათასობით ღირსშესანიშნავი არტეფაქტი ინახება.
თავისუფლების ქანდაკება - ნიუ-იორკი, აშშ;
თავისუფლების ქანდაკება ერთ-ერთი ყველაზე ცნობილი მონუმენტია მსოფლიოში. ის ფრანგებმა ამერიკელებს აშშ-ის თავისუფლების 100 წლის აღსანიშნავად 1885 წელს აჩუქეს.
ეიფელის კოშკი - პარიზი, საფრანგეთი;
ეიფელის კოშკი საფრანგეთში ყველაზე ცნობილი შენობაა და ქვეყნის სიმბოლოს წარმოადგენს. ის 1889 წელს აშენდა. აღსანიშნავია, რომ თავდაპირველად მას ბევრი ულამაზო შენობად მიიჩნევდა.
საგრადა-ფამილია - ბარსელონა, ესპანეთი;
საგრადა-ფამილია (წმინდა ოჯახი) კათოლიკური ეკლესიაა, რომელიც ბარსელონაში მდებაროებს. მისი მშენებლობა 1882 წელს დაიწყო, თუმცა დღემდე არაა დასრულებული. პროექტზე ცნობილი არქიტექტორი ანტონიო გაუდი 40 წლის განმავლობაში მუშაობდა.
ფრანგული კვარტალი-ახალი ორლეანი, აშშ;
ფრანგული კვარტალი ახალი ორლეანის ყველაზე ძველი უბანია. ის 1718 წელს დაარსდა და განსაკუთრებული არქიტექტურით გამოირჩევა.
ანა ფრანკის სახლი - ამსტერდამი, ნიდერლანდები;
ანა ფრანკის სახლი ამსტერდამის ყველაზე მონახულებად ადგილს წარმოადგენს. ანა ფრანკის ოჯახმა ჰოლოკოსტის დროს აქ რამდენიმე წელი მალულად იცხოვრა.
უილის ტაუერი - ჩიკაგო, აშშ;
უილის ტაუერი აშშ-ში ყველაზე მაღალ შენობას წარმოადგენს, რომელიც 1973 წელს აშენდა. მსურველებს შენობის 103-ე სართულზე ასვლა და იქიდან ჩიკაგოს ხედების დათვალიერება შეუძლიათ.
წმინდა მარკოზის მოედანი - ვენეცია, იტალია
წმინდა მარკოზის მოედანი ვენეციის ყველაზე ცნობილი შენობის- წმინდა მარკოზის ტაძართან მდებარეობს და ქალაქის ყველაზე დიდ მოედანს წარმოადგენს.
სიახლეები
- ფრიდონ ინჯია პარლამენტს სახელმწიფო გერბზე გაკეთებული დევიზის „ძალა ერთობაშია“ შეცვლას და მის ნაცვლად, „ენა, მამული, სარწმუნოების“ დაწერას სთავაზობს
- "ახლა რაც ხდება არის ბრძოლა მომავალსა და წარსულს შორის, ფრონტის ხაზი გავლებულია და დარწმუნებული ვარ, ის მომავლის გამარჯვებით დასრულდება" - გია ხუხაშვილი
- „ჩვენი ერთობლივი მომავალი ევროპაშია!“ - ზურაბიშვილი ზელენსკის ტელეფონით ესაუბრა
- პაპუაშვილმა „ქარაფშუტა პოლიტიკოსი“ უწოდა გერმანიის ბუნდესტაგის საგარეო კომიტეტის თავმჯდომარეს
- "ლაზარე გრიგორიადისს სპეცრაზმის თანამშრომლები მივარდნენ, ვიდრე პოლიციის მანქანაში ჩასვამდნენ, მანამდე სცემეს, ძირს დააწვინეს და ურტყეს, აგინებდნენ - დაზიანებები სახეზე და თავზე აქვს, ბორკილებისგან დაწითლებული აქვს ხელები " - ადვოკატი