"ელისაშვილმა არჩევანი გააკეთა, რომ იყოს კობახიძის სპიკერი"
ალეკო ელისაშვილმა არჩევანი გააკეთა, რომ ოპოზიციაში აღარ იყოს, იყოს კობახიძის სპიკერი და რა ვქნათ, – ამის შესახებ „ევროპული საქართველოს“ გიგა ბოკერიამ განაცხადა.
„გირჩი“ აქ, რომ არ იმყოფებოდა, ეს მისი უფლებაა, რომელ ცერემონიაში უნდა მონაწილეობის მიღება, პოზიცია აქვს იგივე და მყარი, სიების ჩახსნა და გამოსვლა პარლამენტიდან, ვიდრე არ იქნება შეთანხმება მიღწეული. რაც შეხება „რესპუბლიკელებს“, აქ რაღაც წინააღმდეგობრივი ინფორმაციები ვრცელდება და ამიტომ არ მინდა რამე დავაბრალო, თავიდან ვნახე ერთნაირი განცხადება, მერე მეორენაირი, რომ როგორც ბლოკი მოიქცევა, ისე მოვიქცეთო, ამიტომ არ ვიცი. ნებისმიერი ადამიანი, რომელიც ამ პოზიციას დათმობს, შეცდომას დაუშვებს, მე არავის შეურაცხყოფას არ ვაყენებ, მაგრამ პოლიტიკური სპექტრის პოზიცია არის მყარი. რამდენიმე ადამიანი თუ ასეთ შეცდომას დაუშვებს, ეს ვერ შეცვლის ამ სურათს და ვერ შეუმსუბუქებს ივანიშვილის რეჟიმს. რაც შეეხება ალეკო ელისაშვილს, მან არჩევანი გააკეთა, რომ ოპოზიციაში აღარ იყოს და კობახიძის სპიკერი იყოს და რა ვქნათ“, – განაცხადა ბოკერიამ.
მისივე თქმით, ახლა უკვე აღარანაირი მნიშვნელობა არ აქვს, ალეკო ელისაშვილი როგორ მოიქცევა.
„ვისურვებდი აქამდე არ მიეყვანა საქმე თავისი თავისთვის, მაგრამ კიდევ ერთხელ ვიმეორებ, ამ ტიპის საქციელი ცალკეული პერსონების მხრიდან, ივანიშვილის რეჟიმის პოლიტიკურ იზოლაციას არ ხსნის, მათ პოლიტიკურ კარიერას ასრულებს“, – განაცხადა ბოკერიამ.
სიახლეები
- "ევროპაში, ამერიკაში აღვირახსნილი კამპანიაა, საბავშვო ბაღებში, სკოლებში მიჰყავთ ტრანსგენდერები და ეუბნებიან, თუ შენი სქესი არ მოგწონს, შეგიძლია გადაიკეთოო - ეს არის ანტიადამიანური, დემონური ინიციატივები და ამას სჭირდება ჩაკეტვა"
- "კანონი არ არის ბიძინა ივანიშვილი, კანონი არ არის ირაკლი კობახიძე, კანონი არის კანონი, რომელმაც უნდა დაიცვას ქართველი ხალხი"
- "საჭიროა აშშ-სთან მუშაობა, დიალოგი და საუბარი" - ირაკლი ღარიბაშვილი კონგრესმენების წერილზე
- "ჩვენი უმთავრესი საგარეო პრიორიტეტი ევროკავშირის წევრობაა და ამისთვის ყველაფერი კეთდება" - პრემიერი
- "ძალადობაა, როცა ზეწოლის გზით გაიძულებენ გაიმეორო მათი „მესიჯები" - კახა კალაძე