გახარიამ მედიასთან, ხელისუფლების მიერ პოლიტიკურ პროცესზე ზეგავლენის მოსახდენად მოსყიდვის ფაქტებზეც ისაუბრა.

"ჩვენ ამ ფაქტებს ყველაფერს ვაფიქსირებთ, აღვრიცხავთ და ხდება ამ ფაქტების სტრუქტურირება. ჩვენ ეს - შეგვიძლია და კარგად ვიცით. მთავარი და ყველაზე დიდი იმედგაცრუება ჩემთვის ის არის, რომ დღეს, სამწუხაროდ, რა მეთოდებითაც ხელისუფლება და "ოცნების" დღევანდელი ბოსები მოქმედებენ - ამ მეთოდებით ქვეყანას აბრუნებენ წარსულში - ქვეყანას უახლოებენ იმ წარსულს, რომელიც "ნაციონალური მოძრაობის" რეალობა იყო. სხვაობა ბევრი არაფერი არ არის. ეს არის ჩემთვის მიუღებელი და გულგასატეხი", - განაცხადა გიორგი გახარიამ.