"სალომე ზურაბიშვილს არ აპატიეს, რომ სხდომათა დარბაზში სიმბოლურად შემოიყვანა უკრაინის საელჩოს წარმომადგენელი, ამისთვის სჯიან"
„ქართული ოცნების“ განცხადება არის ანტიდასავლური, ანტიუკრაინული და პირდაპირ რუსეთის მიმართ ბოდიშის მოხდაა, – ასე შეაფასა „ნაციონალური მოძრაობის“ წევრმა, რომან გოცორიძემ „ქართული ოცნების“ პოლიტსაბჭოს დღევანდელი განცხადება.
მისივე თქმით, „ქართულმა ოცნებამ“ კიდევ ერთხელ გამოავლინა თავისი სახე.
„ხელისუფლებას უნდა, წარმოაჩინოს, რომ ევროპაში სალომე ზურაბიშვილი მათ მიერ გაგზავნილი არ იყო და ეს იყო მისი პირადი ვიზიტი, განცხადებები, რაც არ შეესაბამება საქართველოს მთავრობის პოზიციას. ეს არის მოღალატეობრივი გადაწყვეტილება, რაც „ქართულმა ოცნებამ“ გამოაცხადა. სინამდვილეში, სალომე ზურაბიშვილს არ აპატიეს, რომ მან სხდომათა დარბაზში სიმბოლურად შემოიყვანა უკრაინის საელჩოს წარმომადგენელი და ამისთვის სჯიან. მას არ აპატიეს ევროპაში უკრაინის მხარდამჭერი განცხადებების გაკეთება. ფაქტობრივად, შეგვიძლია ვთქვათ, რომ „ქართულმა ოცნებამ“ კუდიანებზე ნადირობა გამოაცხადა და მთავარ კუდიანად დანიშნა სალომე ზურაბიშვილი, ხოლო პატარ-პატარა ეშმაკებად ოპოზიციის წარმომადგენლები, რომლებიც თურმე ქვეყანაში საბოტაჟს აწყობენ და შაქრის გაქრობაშიც წვლილი მიუძღვით. „ქართულმა ოცნებამ“ კიდევ ერთხელ გამოავლინა თავისი სახე, რადგან მას ბიძინა ივანიშვილმა არ აპატია ის განცხადება, რომელიც გუშინ გააკეთა, როცა თქვა, რომ ქვეყანა იმართება პარტიული ინტერესებით და არა კანონის შესაბამისად. ეს არაფორმალური მმართველობისკენ იყო მინიშნება და პატარა კენჭები ივანიშვილის ბოსტანშიც გადაყარა, ამიტომ მიდის მისი ალაგმვისა და დაშინების პროცესი“, – განაცხადა რომან გოცირიძემ.
სიახლეები
- „ქართული ოცნების“ ორგანიზებული „საყოველთაო სახალხო შეკრება“ დასრულდა
- "არჩევნების შემდეგ „ნაციონალური მოძრაობა“ მკაცრად აგებს პასუხს ყველა იმ დანაშაულისთვის, რომელიც მან ორი ათწლეულის მანძილზე ქართველი ხალხის წინააღმდეგ ჩაიდინა"
- "გლობალური ომის პარტიის აგრესიის მიზეზია, რომ ძალისხმევის მიუხედავად, საქართველო მეორე ფრონტად ვერ აქცია" - ბიზინა ივანიშვილი
- "საქართველო უნდა მართოს ქართველი ხალხის მიერ არჩეულმა ხელისუფლებამ" - ბიძინა ივანიშვილი
- "პირველად გვაქვს ხანგრძლივი და უწყვეტი მშვიდობა ქვეყანაში, რომელიც პირველ რიგში, ჩვენი ლიდერის, ბიძინა ივანიშვილის დამსახურებაა"