მოქალაქეებს საშუალება ექნებათ, ვაქცინაციის სურვილის დასაფიქსირებლად სპეციალურ პორტალზე დარეგისტრირდნენ

მოქალაქეებს საშუალება ექნებათ, ვაქცინაციის სურვილის დასაფიქსირებლად სპეციალურ პორტალზე დარეგისტრირდნენ, – ამის შესახებ საქართველოს ჯანდაცვის მინისტრმა, ეკატერინე ტიკარაძემ განაცხადა.
 

როგორც ეკატერინე ტიკარაძემ აღნიშნა, დღეს ვაქცინაციის საბჭომ მნიშვნელოვანი გადაწყვეტილება მიიღო, რომელიც ვებპორტალის შექმნას უკავშირდება.

 

„დღევანდელი გადაწყვეტილება მნიშვნელოვნად შეუწყობს ხელს ჩვენი მოქალაქეების ინტერესების დაცვას და ასევე მათ არჩევანს უფრო მეტად გააფართოვებს, ეს არის ვებპორტალი, რომელიც გამოქვეყნდება როგორც ჯანდაცვის სამინისტროს ვებგვერდზე, ასევე დაავადებათა კონტროლის ვებგვერდზე, სადაც მოქალაქეებს, განურჩევლად ჯგუფისა, საშუალება მიეცემათ, წინასწარ დარეგისტრირდნენ ვაქცინაციის სურვილის დასაფიქსირებლად“, – განაცხადა ტიკარაძემ.

 

მისივე განცხადებით, პორტალზე მოქალაქეთა დარეგისტრირება იქნება საშუალება, რათა მიღებულ იქნეს გადაწყვეტილება, რომელი ვაქცინები შემოვიდეს ქვეყანაში.

 

„მათ საშუალება ექნებათ, აირჩიონ ყველა ვაქცინა, რომელიც უახლოეს მომავალში იქნება საქართველოში ხელმისაწვდომი. ეს კვლევა დაგვეხმარება, მივიღოთ მნიშვნელოვანი სტრატეგიული გადაწყვეტილება და ეს იქნება მნიშვნელოვანი ინსტრუმენტი, რათა გადავწყვიტოთ, შემდეგ რომელი ვაქცინები შემოვიტანოთ ქვეყანაში“, – განაცხადა ტიკარაძემ.

 
წაკითხვა 76 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.