ზვიად შალამბერიძემ რეგიონების ინტეგრირებული განვითარების პროგრამის განხორციელებაზე მერებთან ისაუბრა
იმერეთში სახელმწიფო რწმუნებულმა ზვიად შალამბერიძემ, საპილოტე რეგიონების ინტეგრირებული განვითარების პროგრამის (სრიგპ) განხორციელების შესახებ, მერებთან ვიდეოკონფერენციის დროს ისაუბრა.
მხარის რწმუნებულმა 2020-2022 წლების საპილოტე რეგიონების განვითარების სამთავრობო პროგრამის განხორციელების ფარგლებში, რეგიონში უკვე დაფინანსებულ და დაგეგმილ პროექტებზე იმსჯელა. საპილოტე რეგიონების ინტეგრირებული განვითარების პროგრამის ფარგლებში, 12-ვე მუნიციპალიტეტს ეძლევა შესაძლებლობა შეიმუშაონ პროექტები და წარადგინონ კონკურსზე. წინადადებების მოწონების შემთხვევაში პროექტები ევროკავშირის ფინანსური მხარდაჭერით განხორციელდება. კონკურსი იანვრის ბოლოს გამოცხადდება და რეგიონის 12-ვე მუნიციპალიტეტს შეუძლია აქტიურად ჩაერთოს.
იმერეთში განსახორციელებელი პროექტებისთვის ევროკავშირის მიერ 2021 წელს გამოყოფილია 9 627 200 ლარი. დაფინანსებას მიიღებს ის მუნიციპალიტეტები, რომელთა პროექტებიც იქნება მოწონებული. 2021 წელს, საპილოტე რეგიონების ინტეგრირებული განვითარების პროგრამის პრიორიტეტებია: ურბანული განახლება - ინტეგრირებული აქტივობები ურბანულ ტერიტორიებზე, უნიკალური პოტენციალის გამოყენებით ტურიზმის განვითარების ხელშეწყობა და ინტეგრირებული ადგილობრივი განვითარება. საპილოტე რეგიონების ინტეგრირებული განვითარების პროგრამის ფარგლებში, 2020 წელს იმერეთში 5 პროექტი დაფინანსდა და სამ მილიონამდე ლარის სამუშაოები განხორციელდა. სრიგპ ითვალისწინებს სახელმწიფო რწმუნებულის ადმინისტრაციებისა და მუნიციპალიტეტების შესაძლებლობების გაძლიერებას, რაც მიზნად ისახავს გარკვეული განსახორციელებელი ამოცანების ადგილობრივ დონეზე ეტაპობრივ დელეგირებას, სხვა დაინტერესებული მხარეების აქტიური ჩართულობით. 2020 წლის სექტემბერს, საქართველოს მთავრობასა და ევროკავშირს შორის ხელი მოეწერა 54 მილიონი ევროს ოდენობის ფინანსურ შეთანხმებას, რომელიც გულისხმობს ოთხი საპილოტე რეგიონის -კახეთის, იმერეთის, რაჭა ლეჩხუმი - ქვემო სვანეთის და გურიის რეგიონებში 2020-2022 წლებში შესაბამისი ღონისძიებების განხორციელებასა და დაფინანსებას.
სიახლეები
- "სამარცხვინო რეზოლუციით ქართველ ხალხს გვითხრეს, გავათავისუფლოთ კრიმინალი სააკაშვილი და დასანქცირდეს ბიძინა ივანიშვილი, რომელმაც ეს ქვეყანა სიცოცხლის ფასად გადაარჩინა"
- "ჩანაწერი ვიზალიბერალიზაციაზე, რომელსაც 27-ვე სახელმწიფოს თანხმობა სჭირდება, რეზოლუციის ინიციატორი ევროპარლამენტარების მხრიდან მორიგი თაღლითობა და შანტაჟია"
- "ევროპამ უნდა აჩვენოს, რომ აშშ-ის ვასალი არ არის" - ემანუელ მაკრონი
- არასამთავრობო ორგანიზაციების წარმომადგენლები აცხადებენ, რომ ხელისუფლებასთან თანამშრომლობას აჩერებენ
- ევროპარლამენტი სააკაშვილის გათავისუფლებას, ივანიშვილის დასანქცირებას, ლგბტ პროპაგანდის წინააღმდეგ ცვლილებებისა და გამჭვირვალობის კანონპროექტის გაწვევას ითხოვს