ქუთაისის ბიუჯეტი 250 500 ლარით გაიზარდა
დღეს, ქუთაისის ბიუჯეტში რიგით მეშვიდე ცვლილება განხორცილდა.
საკრებულოს სხდომაზე გამოტანილი პროექტით ქალაქის ბიუჯეტი 250 500 ლარით გაიზარდა.
ქუთაისის მერიის საფინანსო პოლიტიკისა და სახელმწიფო შესყიდვების სამსახურის ხელმძღვანელის დავით ნიშნიანიძის განცხადებით, ცვლილებები განხორციელდა როგორც ეკონომიების, ასევე შემოსავლების ზრდის ხარჯზე.
"ცვლილებები განხორციელდა როგორც ეკონომიების, ასევე შემოსავლების ზრდის ხარჯზე. ამ თანხების ნაწილით საგზაო სამუშაოები დაფინანსდება. ეს პროგრამა 250 ათასი ლარით გაიზარდა და ორბელიანის და მესხის ქუჩების დამაკავშირებელი გზის დაფინანსება მოხდება. თანხა, ასევე მოხმარდება სულხა-საბას ქუჩის რეაბილიტაციას, რაც შეეხება კულტურული ღონისძიებების ნაწილს - 50 ათასი ლარი მესხიშვილის თეატრის მხარდაჭერის პროგრამას დაემატება,"- აღნიშნა დავით ნიშნიანიძემ.
აღნიშნული საკითხი ქალაქის საკრებულომ განიხილა და მხარი ერთხმად დაუჭირა.
დღევანდელ სხდომას ოპოზიციური პარტიის წარმომადგენლები არ ესწრებოდნენ. ისინი 20 ივნისის მოვლენებთან დაკავშირებით ბოიკოტის რეჟიმში იმყოფებიან.
შეგახსენებთ, რომ ქუთაისის ბიუჯეტი თავდაპირველად 53 მილიონ ლარს შეადგენდა. განხორციელებული ცვლილებების შედეგად ქალაქის ბიუჯეტი 73 104 000 ლარი გახდა.
სიახლეები
- უცხოური ვალუტის ოფიციალური კურსი 27 აპრილისთვის
- "ჩვენი გზა გამჭვირვალობა, ოჯახური ღირებულებების დაცვა, ეროვნული პოლიტიკის კეთება და საქართველოს რეალური ევროპული გზაა, ქრისტიანული და დემოკრატიული, ღირსეული ევროპული გზა"
- "28 აპრილს თითოეული ქართველის ადგილი რუსთაველზეა" - ლევან ხაბეიშვილი
- "ეს ერთ-ერთი, ყველაზე მკაცრი რეზოლუციაა, რაც საქართველოსთან მიმართებით ოდესმე მიუღია ევროპარლამენტს" - ნინო კალანდაძე
- "არავის აქვს უფლება, სუვერენულ სახელმწიფოს ვიზალიბერალიზაცია წაართვას, რა ჩავიდინეთ, კანონს რომ ვიღებთ, რომელიც მოსახლეობის მხრიდან არის ნაკარნახევი?"