"თითოეულმა ჩვენი საქმით უნდა ვეცადოთ, მალე დადგეს დრო, როცა 26 მაისს ჩვენს აფხაზ და ოს თანამემამულეებთან ერთად გამთლიანებულ საქართველოში ვიზეიმებთ"

იმერეთში სახელმწიფო რწმუნებული ზვიად შალამბერიძე მოქალაქეებს საქართველოს დამოუკიდებლობის დღეს ულოცავს.


როგორც ზვიად შალამბერიძის ფეისბუქის ოფიციალურ გვერდზე გავრცელებულ განცხადებაშია აღნიშნული, ეს დღე ყველა ქართველისთვის უმნიშვნელოვანესია და თითოეულმა ჩვენი საქმით უნდა ვეცადოთ ყველა შემდეგ 26 მაისს მეტად გამარჯვებული შევხდეთ.


"26 მაისს ჩვენ ვზეიმობთ საქართველოს დამოუკიდებლობის დღეს, რომლისთვისაც მრავალი ათასი თაობა იბრძოდა, მრავალმა ათასმა ადამიანმა შეწირა სიცოცხლე და გამარჯვებას მაინც მიაღწია, თუმცა ამით არაფერი დასრულებულა, რუსული ოკუპაცია ახლაც ძალიან დიდი გამოწვევაა ჩვენთვის და წინ კიდევ ბევრი გამარჯვება გვაქვს მოსაპოვებელი. ქედს ვიხრით იმ ადამიანების წინაშე, ვინც ამ დღის აღნიშვნა გახადა შესაძლებელი და მადლობა ყველას, ვინც საქართველოს დამოუკიდებლობისთვის იბრძოდა, საქმიანობდა, მოღვაწეობდა.


ეს დღე ყველა ქართველისთვის უმნიშვნელოვანესია და თითოეულმა ჩვენი საქმით უნდა ვეცადოთ ყველა შემდეგ 26 მაისს მეტად გამარჯვებული შევხდეთ, ვეცადოთ, მალე დადგეს დრო, როცა ამ დღეს ჩვენს აფხაზ და ოს თანამემამულეებთან ერთად გამთლიანებულ საქართველოში ვიზეიმებთ.


დღეს სიმბოლურად საქართველოს დროშის ფერებში განათდა ქუთაისის ოპერის თეატრი და ამით კიდევ ერთხელ გვსურს გავუსვათ ხაზი იმას, რომ საქართველოს დამოუკიდებლობისთვის ბრძოლაში ასევე დიდი როლი აქვს კულტურას, შემოქმედებას, ზოგადად ხელოვნებას, რაც არაერთმა შემოქმედმა აჩვენა საქმით ბევრჯერ.  


გილოცავთ საქართველოს დამოუკიდებლობის დღეს, წარმატებები ჰქონდეს ჩვენ ქვეყანას და ყველა ერთად ვემსახუროთ მის განვითარებას, წინსვლას და გაერთიანებას", - აღნიშნულია სახელმწიფო რწმუნებულის განცხადებაში.

წაკითხვა 100 ჯერ განახლდა განახლდა მაისი 26 2020
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.