"ბაკურიანში არცერთი კერძო საცხოვრისი არ შემოწმებულა" - ბექა ფერაძე

შრომის პირობების ინსპექტირების დეპარტამენტის უფროსის ბექა ფერაძის განცხადებით, გავრცელებული ინფორმაცია იმის შესახებ, რომ ბაკურიანში საოჯახო ტიპის აპარტამენტების დამსვენებლებს სასტუმროს დატოვება მოსთხოვეს,  სიმართლეს არ შეესაბამება.

 

ფერაძე აცხადებს, რომ უწყებამ მხოლოდ კერძო ტიპის აპარტამენტების სტატუსი შეამოწმა და მათ დაჯარიმებას, ან სხვა სახის სანქციას ადგილი არ ჰქონია. 

 

ფერაძემ კიდევ ერთხელ განმარტა, რომ საოჯახო ტიპის აპარტამენტებს რეგულაციები არ ეხება.

 

"ჩვენ ზედამხედველობას ვახორციელებთ არა მხოლოდ ბაკურიანში, არამედ მთელი საქართველოს მასშტაბით. ეს იყო ერთ-ერთი გეგმიური მონიტორინგი, რომელიც განხორციელდა ბაკურიანის ტერიტორიაზე. ჩვენ შევამოწმეთ რამდენიმე აპარტამენტის სტატუსი, თუ რამდენად იყვნენ სასტუმროს სტატუსის მატარებელი, თუ ეს იყო ჩვეულებრივი კერძო საცხოვრებელი. მინდა ხაზგასმით ვთქვა, რომ არცერთი კერძო საცხოვრისი არ შემოწმებულა შრომის ინსპექციის მხრიდან, მითუმეტეს, ჯარიმაზე არ ყოფილა საუბარი. დადგენილების მიხედვით, აკრძალულია სასტუმრობის ფუნქციონირება და მხოლოდ ამის გადამოწმება მოხდა. არ ყოფილა არავითარი ობიექტის დატოვებასთან დაკავშირებით მითითება ან სხვა რაიმე ზემოქმედება. თუ მსგავსი ფაქტი დაფიქსირდებოდა, ეს ალბათ ადვილად იქნებოდა ხელმისაწვდომი მედიისათვის," - განაცხადა ბექა ფერაძემ.

წაკითხვა 101 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.