დღეს, საქართველოში კლიმატის კვირეული დაიწყო
დღეს, 21 სექტემბერს საქართველოში კლიმატის კვირეული დაიწყო.
კლიმატის კვირეული საქართველოში საქართველოს მწვანეთა მოძრაობა/The Greens Movement of Georgia ინიცირებით 2009 წლიდან აღინიშნება. „საქართველოსთვის, მსოფლიოსათვის - გავერთიანდეთ კლიმატის ცვლილებით გამოწვეული პრობლემების შესამცირებლად!“ ეს გზავნილი აერთიანებს 2020 წლის კლიმატის კვირეულის ფარგლებში დაგეგმილ ღონისძიებებს.
ასოციაცია „დეას“ ორგანიზებით, სენაკში, კლიმატის კვირეულის ფარგლებში არაერთი ღონისძიება გაიმართა :
- ჟიული შარტავას სახელობის სენაკის მეორე საჯარო სკოლაში - ეკო გაკვეთილი;
- აქცია-პერფომანსი - „ერთად კლიმატისთვის“;
- მოსწავლეთა კონფერენცია თემაზე „ჩემი თვალით დანახული კლიმატის ცვლილება“;
- ასფალტზე ხატვა;
- გამწვანების აქცია.
კონფერენციაში მონაწილე ახალგაზრდები, კლიმატის კვირეულში აქტიური მონაწილეობისათვის, სიმბოლური პრიზებით დასაჩუქრდნენ.
საქართველოში „კლიმატის კვირეული 2020“ ტარდება პროექტის “სამოქალაქო საზოგადოების გაძლიერება კლიმატის ეროვნული პოლიტიკის განხორციელებაში" ფარგლებში. ახორციელებს საქართველოს მწვანეთა მოძრაობა/დედამიწის მეგობრები-საქართველოს „გერმანიის დედამიწის მეგობრებთან“(BUND) თანამშრომლობით და მხარდაჭერილია გერმანიის ფედერალური რესპუბლიკის გარემოს დაცვის, ბუნების კონსერვაციისა და ატომური ენერგეტიკის ფედერალური სამინისტროს მიერ.
სიახლეები
- უცხოური ვალუტის ოფიციალური კურსი 25 აპრილისთვის
- ზოდიაქოს ის ნიშნები, რომელთათვისაც 2024 წლის მეორე ნახევარი ტრანსფორმაციისა და არაერთი სასიამოვნო სიახლის ეტაპი იქნება
- "ახლა გავაკეთებთ ყველაფერს, რათა იმ ნახევარი წლის კომპენსირება მოვახდინოთ, რომელმაც დებატებში და ეჭვებში გაიარა"
- "კანონი არის რუსული, რადგან ამ კანონით საქართველოს არ ექნება შანსი, გახდეს ევროკავშირის წევრი"
- "ქვეყანაში ახალგაზრდებთან ბრძოლა არავის არ მოუგია და შესაბამისად ვერც ივანიშვილი და გომელაური ვერ მოიგებს"