ზურა ჯაფარიძე და ყველა სხვა პოლიტიკური ლიდერი თუ სინდისის ტყვე, დღეს არა პატიმრები, არამედ ავტოკრატიული რეჟიმის მძევლები, – ამის შესახებ „ლელო – ძლიერი საქართველოს“ წევრმა, ირაკლი კუპრაძემ სოციალურ ქსელში დაწერა.
„ქართულ ოცნებას“ საჯარო გამოძიების ეშინია, რადგან ის გამოავლენს, თუ ვინ გასცა მშვიდობიანი მომიტინგეების წინააღმდეგ ტოქსიკური ქიმიური ნივთიერებების გამოყენების ბრძანება, – ამის შესახებ პარტია „საქართველოსთვის“ ლიდერი, გიორგი გახარია სოციალურ ქსელში წერს.
ისე როგორ მოხდა, რომ ძირითადად „ჯენზის” მოწამვლის გასაპროტესტებლად, „ჯენზი” თითქმის არ მივიდა, - ამის შესახებ საქართველოს მესამე პრეზიდენტი, მიხელ სააკაშვილი საპატიმრო დაწესებულებიდან გამოგზავნილ წერილში წერს, რომელიც სოციალურ ქსელში, მის პირად გვერდზე განთავსდა.
ჩატარებული გამოძიებით უტყუარად დადასტურდა, რომ აკრძალული ქიმიური ნივთიერების, ბრომობენზილ ციანიდის, იგივე „კამიტეს“ გამოყენებას ფიზიკურად ვერ ექნებოდა ადგილი, რამეთუ ეს ნივთიერება საქართველოში არ არსებობს, მისი შესყიდვა საქართველოს შინაგან საქმეთა სამინისტროს არასოდეს განუხორციელებია, - ამის შესახებ თბილისის მერმა კახა კალაძემ სოციალურ ქსელში ვიდეო-მიმართვისას განაცხადა.
ერთ-ერთი მიზეზი, რატომაც არ ამბობენ, რა ნივთიერება იყო გარეული წყალში, არის ის, რომ მნიშვნელობა არ აქვს, რას დაასახელებენ - როდესაც ეს მეორდება გადაბმულად რამდენიმე ღამე და წლის ორ სეზონზე, სულ რომ სტაფილოს წვენი ყოფილიყო, მაინც საზიანო იქნებოდა, - ამის შესახებ კოალიცია "ცვლილებისთვის" ლიდერის, ზურაბ ჯაფარიძის საპატიმროდან გავრცელებულ წერილშია აღნიშნული, რომლითაც BBC-ის საგამოძიებო სიუჟეტს ეხმაურება.
ახლა კი გვიმტკიცებენ, რომ უკანონო ქიმიური საშუალებები არ გამოუყენებიათ აქციების დარბევისას, მაგრამ საკმარისია გახარიასავით ვინმეს დასჯა დასჭირდეთ, უცებ გამოცხვება ბრალდება უკანონო საშუალებების გამოყენებაზე, სრულიად „საქოცეთიც“ რობოტებივით მონოტონურად აყვება და იგივე შემართებით დაგვიმტკიცებს (დაზეპირებული მესიჯბოქსით), რომ იმ ვიღაც „განტევების ვაცმა“ ხალხი დაწამლა აქციებზე, - ამის შესახებ ინფექციონისტი მაია ბუწაშვილი BBC-ის ჟურნალისტურ გამოძიებასთან დაკავშირებით წერს.
