ევროპის ფრენბურთის კონფედერაციის საბჭოს წევრთა გადაწყვეტილებით, რომელიც ონლაინ სხდომაზე ერთხმად მიიღეს, 2022 წელს, საქართველოში 18 წლამდე ვაჟ ფრენბურთელთა შორის ევროპის ჩემპიონატი ჩატარდება.
რუსული სპორტული გაზეთის „სპორტ-ექსპრეს“-ის («Спорт-экспресс») დღევანდელ, 17 ივლისის ნომერში გამოქვეყნებულია ვრცელი ინტერვიუ წარსულში საქართველოში და საბჭოთა კავშირში ცნობილ ფეხბურთელ ანზორ კავაზაშვილთან, რომელსაც 19 ივლისს იუბილე აქვს - იგი 80 წლის ხდება. იუბილარს ესაუბრებიან ჟურნალისტები ალექსანდრ კრუჟკოვი და იური გოლიშაკი.
ესპანურ გაზეთ „ელ კორეო“-ში («El Correo»), რომელიც ბილბაოში (ბასკების ქვეყანაში) იბეჭდება, გამოქვეყნებულია სტატია სათაურით „საქართველოს პრეზიდენტმა თორნიკე შენგელიას რუსულ კლუბში გადასვლა დაგმო, თვითონ ფორვარდი კი აცხადებს, რომ „ამ გადასვლით ჩემი ქვეყნის მიმართ დამოკიდებულებას არ შევცვლი“ (ავტორი - რაფაელ მენიუეკო).
ქართველი კალათბურთელი თორნიკე შენგელია ესპანეთის ჩემპიონი გახდა.
მსოფლიოს პირველ ჩოგანს, სერბ ჩოგბურთელს ნოვაკ ჯოკოვიჩს კორონავირუსი დაუდასტურდა.
უეფა-ს 2020 წლის ევროპის ჩემპიონატის საკვალიფიკაციო ეტაპის პლეი ოფის ნახევარფინალური შეხვედრა, საქართველოსა და ბელარუსს შორის, 8 ოქტომბერს, თბილისში გაიმართება.
