„უინსტონ, მე თქვენ ჭაჭის არაყი უნდა გაგასინჯოთ...“ - როგორ გაუკეთა რეკლამა ქართულ ჭაჭას იოსებ სტალინმა იალტაში

იალტის კონფერენციაზე, საოქმო ღონისძიებების დროს იოსებ სტალინი ფრანკლინ რუზველტს და უინსტონ ჩერჩილს კითხვებს უსვამდა ხოლმე და თვითონაც ხშირად პასუხობდა მათ კითხვებს.

საუბარი, პოლიტიკის გარდა, ეხებოდა სუფთა ცხოვრებისეულ მომენტებს, თვით საჭმელებსა და კერძებსაც კი, ასევე სასმელებს და მათ პოპულარობას სხვადასხვა ქვეყნებში.იალტის კონფერენციაზე, საოქმო ღონისძიებების დროს იოსებ სტალინი ფრანკლინ რუზველტს და უინსტონ ჩერჩილს კითხვებს უსვამდა ხოლმე და თვითონაც ხშირად პასუხობდა მათ კითხვებს. საუბარი, პოლიტიკის გარდა, ეხებოდა სუფთა ცხოვრებისეულ მომენტებს, თვით საჭმელებსა და კერძებსაც კი, ასევე სასმელებს და მათ პოპულარობას სხვადასხვა ქვეყნებში.


ერთხელაც იოსებ სტალინმა ქართულ მშრალ ღვინოებზე ლაპარაკი დაიწყო, შეაქო - სასიამოვნო სასმელიაო და შემდეგ რუზველტს და ჩერჩილს ჰკითხა:


- თქვენ თუ იცით, რომ ქართველები ყურძნისგან არაყს - ჭაჭას რომ ხდიან?
რა თქმა უნდა, ჩერჩილმა და რუზველტმა ჭაჭის შესახებ არაფერი არ იცოდნენ.
იოსებ სტალინმა საუბარი გააგრძელა:


- ქართული ჭაჭის არაყი, ჩემი აზრით, მსოფლიოში საუკეთესო სახის არაყია. მართალია, მე თვითონ არ ვსვამ, უფრო მსუბუქ მშრალ ღვინოებს ვამჯობინებ.
უინსტონ ჩერჩილი დაინტერესდა:


- და როგორ შეიძლება თქვენი ნაქები ჭაჭის დაგემოვნება?
- შევეცდები, რომ გაგასინჯოთ.
მეორე დღეს საქართველოდან თვითმფრინავით ჭაჭის არაყი ჩამოიტანეს, რომელიც მასპინძელმა იოსებ სტალინმა სტუმრებს - უინსტონ ჩერჩილს და ფრანკლინ რუზველტს აჩუქა.

-----ანდრეი გრომიკოს წიგნიდან „ღირსსახსოვარი“

წაკითხვა 98 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.