რა უჯდება HBO-ს Game of Thrones-ის ბოლო სეზონი

ტელეკომპანია HBO-ს სუპერპოპულარული ტელესერიალი Game of Thrones საკმაოდ ძვირი უჯდება. 

სერიალზე აქამდეც რამდენიმე მილიონი იხარჯებოდა, სეზონიდან სეზონამდე კი ეს თანხა სულ უფრო იზრდებოდა.

 

გავრცელებული ინფორმაციით, ტელეკომპანიამ მერვე სეზონისთვის 90 მილიონი დოლარი გამოყო, რაც ნიშნავს, რომ მის ექვსივე ეპიზოდზე 15 მილიონი დოლარი უნდა დახარჯულიყო, თუმცა კვირას გასული 80-წუთიანი მესამე სერია კომპანიას სავარაუდოდ, ბევრად ძვირი დაუჯდა. მითუმეტეს, რომ მის გადაღებას 55 დღე დასჭირდა.

 

აღსანიშნავია, რომ Game of Thrones-ის წინა სეზონები, კომპანიას უფრო მოკძრალებული თანხები უჯდებოდა. ეპიკური სერიალი ეკრანზე 2011 წელს გამოჩნდა და მისი პირველი სეზონი 60 მილიონი დაჯდა, რაც ნიშნავს, რომ თითო სერიაზე კომპანია 6 მილიონს ხარჯავდა. თუმცა უკვე მეორე სეზონზე - Blackwater სერიისთვის რეჟისორებმა კომპანიას დამატებით 2 მილიონი მოსთხოვეს.

 

უკვე მეექვსე სეზონისთვის კი, სერიალის ფასი თითო სერიაზე 10 მილიონამდე გაიზარდა. თუმცა, ამავე სეზონის სერია - Battle of the Bastards, რომლის გადაღება 25 დღე მიმდინარეობდა, კომპანიას კიდევ უფრო ძვირი დაუჯდა.
 

სავარაუდოდ, იგივე სურათია ბოლო სეზონის ყველაზე ხანგრძლივი ეპიზოდის - The Long Night შემთხვევაში და ტელეკომპანიას დაგეგმილ 15 მილიონზე მეტი დაუჯდეა. თუმცა, დეტალური ინფორმაცია ამ დროისთვის არ ხმაურდება.

 

Game of Thrones დღეისათვის სატელევიზიო ბაზარზე ყველაზე ძვირად ღირებული სერიალია. გამოცემა Variety-ის ინფორმაციით, დახარჯული თანხის მიხედვით, შემდეგ პოზიციაზე ასევე HBO-ს სერიალი - Westworld (თითო სერია 10 მილიონი დოლარი ჯდება) და Netflix-ის - The Crown და Stranger Things (თითო სერია 10 და 8 მილიონი დოლარი ჯდება) მოდიან.

 

წყარო

 

წაკითხვა 154 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.