"ვაჩვენოთ მსოფლიოს, რა შეუძლია ორ პატარა ლათინოამერიკელ გოგოს“, - ჯენიფერ ლოპესისა და შაკირას ცეცხლოვანი შოუ Super Bowl-ზე
მაიამიში წლის ყველაზე სანახაობრივი შოუ, Super Bowl 2020 გაიმართა. ეს ერთ-ერთი ყველაზე გრანდიოზული სანახაობაა, რომელზე გამოსვლაც განსაკუთრებით პრესტიჟულად ითვლება.
Super Bowl პროფესიონალურ ამერიკულ ფეხბურთში ეროვნული საფეხბურთო ლიგის ჩემპიონატის ფინალია, რომელიც ყოველ წელს მაიამი გარდენსის Hard Rock Stadium-ზე იმართება. ყველაზე სანახაობრივი ღონისძიების მთავარი ნაწილია მატჩებს შორის შოუ, რომელზეც ყოველ წელს სხვადასხვა შემსრულებლები შთამბეჭდავ სანახაობას მართავენ. წელს შოუს მთავარი გმირები ჯენიფერ ლოპესი, შაკირა და ჯენიფერის 11 წლის შვილი იყვნენ.
შემსრულებლებმა მაყურებელს დაუვიწყარი, ცეცხლოვანი შოუ შესთავაზეს. დაწყებამდე რამდენიმე საათით ადრე კი, ჯენიფერ ლოპესმა "ინსტაგრამის“ პირად გვერდზე შაკირასთან ერთად გადაღებული ფოტო გამოაქვეყნა წარწერით:
"აღფრთოვანებული ვარ, რომ სცენა შენთან ერთად უნდა გავიზიარო. ვაჩვენოთ მსოფლიოს, რა შეუძლია ორ პატარა ლათინოამერიკელ გოგოს“, - წერდა ჯენიფერი.
და მართლაც, როგორც სოციალურ ქსელებში წერენ, პოპშემსრულებლებმა კიდევ ერთხელ აჩვენეს მსოფლიოს, რომ დაუვიწყარი შოუს დადგმა მათ ყველაზე უკეთ შეუძლიათ. მომღერლებმა თავიანთი ყველაზე პოპულარული სიმღერები შეასრულეს. განსაკუთრებული გამოხმაურება კი მოჰყვა ჯენიფერის ცეკვას სტრიპტიზის ელემენტებით.
გარდა ამისა, შემსრულებლებმა ტრაგიკულად გარდაცვლილი კალათბურთის ლეგენდა კობი ბრაიანტი და მისი 13 წლის ქალიშვილი, ჯიანა გაიხსენეს და ერთ-ერთი ნომერი მას მიუძღვნეს.
შოუზე განსაკუთრებით ემოციური აღმოჩნდა ჯენიფერ ლოპესის 11 წლის ქალიშვილის, ემი მუნიესის გამოჩენა, რომელმაც დედასთან ერთად სიმღერა "Let's get Loud" შეასრულა.
ამერიკის ჰიმნი 2020 წლის შოუზე დემი ლოვატომ იმღერა.
ნახეთ ფოტოები წლის ყველაზე შთამბეჭდავი შოუდან:
ეს კი ვიდეო, რომელიც სრულად ასახავს სანახაობას:
სიახლეები
- მაკარონი მდნარი ყველით
- " როგორ შეიძლება მოწოდებები გააკეთო დაპირისპირებაზე? „ოცნება“ ხომ არ ხარ? - ყველას მოვუწოდებ, თავი შეიკავონ მსგავსი ტიპის უპასუხისმგებლო განცხადებებისგან "-ბექა ლილუაშვილი გიორგი ვაშაძის განცხადებაზე
- 3 თვის მონაცემებით, საქართველოში თავშესაფრის მაძიებლად 379 პირია აღრიცხული, საიდანაც ყველაზე ბევრი - 66 ადამიანი, უკრაინის მოქალაქეა - ამავე პერიოდში საქართველოდან სხვა ქვეყნის 59 მოქალაქე გააძევეს
- " ევროპარლამენტში საქართველოსათვის სანქციების მოთხოვნის მხარდამჭერთა ბირთვს ლიეტუველი დეპუტატები წარმოადგენენ, კუბილიუსის - გორბაჩოვის მხარდამჭერისა და მეხოტბის მეთაურობით" - გია ვოლსკი
- "მამული, ენა და სარწმუნოება - ეს არის სამი მთავარი საყრდენი, რომელიც ქმნის საქართველოს ეროვნულ იდენტობას" - ირაკლი კობახიძე