ჭიათურაში სასწავლო პროცესი შეწყდა - სკოლის მოსწავლეები მაღაროელების აქციაზე გავიდნენ

მაღაროელების გაფიცვა ჭიათურაში, საყოველთაო სახალხო გამოსვლაში გადაიზარდა. მას შემდეგ, რაც გაფიცულმა მუშებმა „ჯორჯიან მანგანეზთან“ შეთანხმებას ვერ მიაღწიეს, მაღაროელების ქალაქი მასობრივმა პროტესტმა მოიცვა. სასწავლო პროცესი შეწყდა, ქუჩებში სკოლის მოსწავლეებიც გავიდნენ.

 

ქუჩაში მაღაროელებთან ერთად რიგითი მოქალაქეები მცირეწლოვან შვილებთან ერთად იმყოფებიან. ისინი მაღაროელებს სრულ მხარდაჭერას უცხადებენ და ჭიათურიდან კომპანიის გაძევებას ითხოვენ.

„უსამართლობაა, ხალხი იხრჩობა მტვერში, ნაგავში, არაფერი შემოსავალი არ აქვთ. გამოვედი ჩემი შვილებიანად და ვდგავარ ქუჩაში. გაიფიცა ყველაფერი, იმედია დაგვეხმარებიან,“-ამბობს აქციის მონაწილე.

პარალელურად, გაფიცული მუშების ერთი ნაწილი მე-11 დღეა შიმშილობს. მათი თქმით, პროტესტის უკიდურეს ფორმას  არ შეწყვეტენ, ვიდრე მათი მოთხოვნები სრულად არ იქნება დაკმაყოფილებული. ნაწილმა რამდენიმე დღის წინ პირი ამოიკერა. 

ისინი მთავრობის წევრებს მოუწოდებენ ჩავიდნენ ჭიათურაში და დაიცვან გაფიცული მაღაროელების უფლებები. მოშიმშილეები ამბობენ, რომ კომპანია დათმობაზე არ მიდის.

„სათავისოდ გვთავაზობენ ისევ, ზღაპრებს. ცდილობენ დაგვიყოლიონ, მერე ვიცით რაც მოხდება, წავა რეპრესიები თანამშრომლებზე.  ვერ ასრულებთ?-მიბრძანდით, დაგვანებეთ თავი,“-ამბობს აქციის მონაწილე ფრიდონ შერგილაშვილი.

გაფიცული მეშახტეები ამბობენ, რომ პროტესტი ქალაქის ქუჩებში კიდევ უფრო ფართო მასშტაბებს მიიღებს. დღეს ჭიათურაში თითქმის ყველა მაღაზია დაიკეტა.

ავტორი:რუსუდან ჯაბანაშვილი

წაკითხვა 438 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.