"არავის ეგონოს, რომ ვინმეს რამეს შევარჩენთ" - ზაზა სარალიძის პირველი კომენტარი მიხეილ კალანდიას დაკავებაზე

"არავის ეგონოს, რომ ვინმეს რამეს შევარჩენთ" - ხორავას ქუჩაზე მოკლული მოზარდის, დავით სარალიძის მამა, ზაზა სარალიძე, მიხეილ კალანდიას დაკავებას ეხმაურება.

მისი თქმით, როგორც იქნა შესაბამისმა უწყებებმა გადაწყვიტეს საქმეზე სიმართლის დადგენა და მიხეილ კალანდია დააკავეს. 

თუმცა, ზაზა სარალიძე ამბობს, რომ ახლა პროკურატურამ უნდა დაამტკიცოს მიხეილ კალანდიას დანაშაულში მონაწილეობა, სწორედ ამიტომ ის ბრძოლას დასრულებულად არ თვლის. 

მოკლული მოზარდის მამა ამბობს, რომ გამოძიებაში კიდევ ბევრი ხარვეზი არსებობს და ამ საქმეს ნაბიჯ-ნაბიჯ მიჰყვება.  

"გადაიდგა დღეს უდიდესი ნაბიჯი. დიდი მადლობა მინდა გადავუხადო იმ უწყების წარმომადგენლებსაც, რომლებმაც როგორც იქნა გადაწყვიტეს, რომ ამ საქმეზე ჭეშმარიტება უნდა დადგინდეს. ეს იყო უდიდესი ნაბიჯი რასაც ვიბრძოდით. ვნახოთ სასამართლო რას დაადგენს მიხეილ კალანდიასთან მიმართებაში და ვნახოთ როგორ დაამტკიცებს პროკურატურა წარდგენილ ბრალდებას. ეს არ არის საბოლოო დასასრული. ბრძოლა გრძელდება აუცილებლად. არის გარკვეული, რიგი ხარვეზები გამოძიებასთან დაკავშირებით. ნაბიჯ-ნაბიჯ მივყვებით და არავის არ ეგონოს, რომ ვინმეს რამეს შევარჩენთ,"-განაცხადა ზაზა სარალიძემ.

მიხეილ კალანდია დავით სარალიძის მკვლელობაში თანამონაწილეობისთვის დააკავეს. როგორც შს მინისტრის მოადგილემ, ვლადიმერ ბორცვაძემ განაცხადა, სამართალდამცველებმა კალანდია დღეს აიყვანეს.

http://rustavi2.ge

წაკითხვა 174 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.