საქართველოში პოლიტიკური პარტიების წინააღმდეგ მიმდინარე ქმედებების ფონზე, უნდა ვაღიაროთ, რომ საქართველოში ავტორიტარული კონსოლიდაციის საპასუხოდ ევროპის რეაგირება ჯერჯერობით არასაკმარისი იყო.
აშშ, გაერთიანებული სამეფო და ევროკავშირის ცალკეული წევრი სახელმწიფოები ევროკავშირზე უფრო შორს წავიდნენ ქართველი ხალხის წინააღმდეგ რეპრესიებზე პასუხისმგებელი პირების სანქცირების მიმართულებით. ჩვენ ეს სხვაობა უნდა აღმოვფხვრათ.
პირველ რიგში, უნდა დავაწესოთ მიზანმიმართული სანქციები და სავიზო აკრძალვები, მათ შორის, განსაკუთრებით იმ მოსამართლეების წინააღმდეგ, რომლებიც პოლიტიკურად მოტივირებულ რეპრესიებს უწყობენ ხელს.
მეორე – საქართველოს ხელისუფლებასთან ურთიერთობა უნდა იყოს დამოკიდებული ხელშესახებ ნაბიჯებზე, რომლებიც ამ კურსის შეცვლას და ვენეციის კომისიის რეკომენდაციების შესრულებას ითვალისწინებს. ეს რეკომენდაციები სასამართლოს დამოუკიდებლობისა და პოლიტიკური პლურალიზმის აღდგენის გზამკვლევია.
მესამე – ჩვენ უნდა შევზღუდოთ საქართველოში იმ საპოლიციო აღჭურვილობის გაყიდვა ან გადაცემა, რომელიც შემდგომ რეპრესიებს ხელს შეუწყობს.
დაბოლოს, ევროპამ უნდა გააძლიეროს დამოუკიდებელი მედიის, პოლიტიკური პარტიებისა და სამოქალაქო საზოგადოების პირდაპირი მხარდაჭერა და ამავდროულად მოითხოვოს პოლიტიკური მოტივით დაპატიმრებული პირების გათავისუფლება.
თქვა ლიტველმა ევროპარლამენტარმა ევროპის განახლების ჯგუფიდან, დაინიუს ჟალიმასმა ევროპარლამენტში საქართველოსთან დაკავშირებით გამართულ დებატებზე.
