„ფაქტია, რომ იმ 45 შეწყალებულმა თუ საპროცესო შეთანხმებით გამოსულმა ადამიანმა სრულად ჩამოშალა ოპოზიციის ნარატივი პოლიტიკურ თუ სინდისის პატიმრებთან დაკავშირებით”, – ამის შესახებ პარლამენტის თავმჯდომარის მოადგილე, ნინო წილოსანი აცხადებს.
კერძოდ, ის საპროტესტო აქციების დროს დაკავებულებზე საუბრობს.
“როდესაც ადამიანს მარტივად შეუძლია, რომ თავისუფლება მოიპოვოს პრეზიდენტზე მიმართვით, ეს ნიშნავს რომ მათი პატიმრობა არა ხელისუფლების მიზანი, არამედ მათი ბატონ-პატრონების პოლიტიკური ინსტრუმენტია.
სამწუხაროა, რომ ამ ადამიანებმა და იმათმა, ვინც პატიმრობაში რჩებიან, თავი დაიტყვევს იმ გარე ძალების ზეგავლენით, რომლებიც აიძულებდნენ – რომ დანაშაული ჩაედინათ”, – ამბობს წილოსანი.
