"არავინ მალავს, რომ მდგომარეობა რთულია, მაგრამ მართვადი"
დაავადებათა კონტროლის ეროვნული ცენტრის დირექტორის ამირან გამყრელიძის განცხადებით, ქვეყანაში, დილის მონაცემებით, დაახლოებით 350 თავისუფალი საწოლი და რამდენიმე ასეული სასუნთქი აპარატია.
როგორც გამყრელიძემ უწყებათაშორისი საკოორდინაციო საბჭოს დასრულების შემდეგ ბრიფინგზე განაცხადა, სტაციონარიზაციის კუთხით, ქვეყანაში გარკვეული ხარვეზები არის, თუმცა, ამის მიუხედავად, საქართველოში სტაციონარს გარეთ სიკვდილიანობის მაჩვენებელი ერთ-ერთი დაბალია.
“არავინ მალავს, რომ მდგომარეობა რთულია, მაგრამ მართვადია. დილით იყო დაახლოებით 350-მდე თავისუფალი საწოლი, თუ მეტი არა და მათ შორის, რამდენიმე ასეული სასუნთქი აპარატი. ქვეყანაში დღეს 85 სრული კოვიდკლინიკაა. ასევე ბევრი მუშაობს ჰიბრიდულ რეჟიმზე, ამიტომ შესაძლებელია, ზოგიერთ კლინიკაში, სადაც ავადმყოფი მიემართება, თავისუფალი საწოლი არ იყოს. ვიცი, არსებობს გარკვეული ხარვეზები სტაციონარიზაციის, მაგრამ საბოლოოდ ვისაც სჭირდება, სტაციონარში თავსდება. ჩვენს ქვეყანაში სტაციონარს გარეთ სიკვდილიანობის მაჩვენებელი ერთ-ერთი დაბალია”,- განაცხადა გამყრელიძემ.
სიახლეები
- "ევროკავშირის ანგარიშში თეთრი ძაფითაა ნაკერი საქართველოს მონაკვეთი, უკუსვლა თუ ვინმეს აქვს, ეს ევროკავშირის მმართველი ინსტიტუციებია"
- "საქართველოში არჩევნების ზოგადი ჩარჩო ყოვლისმომცველ რეფორმებს საჭიროებს" - ევროკავშირის 2025 წლის გაფართოების ანგარიში
- "საქართველოში ძლიერი ეკონომიკური ზრდა დაფიქსირდა, რასაც ხელი შეუწყო კერძო და სახელმწიფო მოხმარებამ, ტურიზმის აღდგენით გამოწვეულმა სარგებელმა, რუსეთიდან მიგრანტებმა და ზოგიერთი სერვისისა და სავაჭრო მარშრუტის გადატანამ"
- "ევროკომისია დეკემბერში ვიზის შეჩერების მექანიზმის შესახებ ყოველწლიურ ანგარიშს გამოაქვეყნებს, მათ შორის საქართველოსთვის" - პაველ ჰერჩინსკი
- "შანტაჟი არ გამოვა, ხელის ჩაქნევას არ ვაპირებთ, საქართველო გააგრძელებს მომზადებას იმ ევროპის კავშირისთვის, რომლის მიზანიცაა ევროპული ღირებულებების დაბრუნება"