"კლების დინამიკა შეინიშნება" - ამირან გამყრელიძე
დაავადებათა კონტროლის ეროვნული ცენტრის დირექტორმა, ამირან გამყრელიძემ საკოორდინაციო საბჭოს სხდომის დასრულების შემდეგ გამართულ ბრიფინგზე ქვეყანაში არსებული ეპიდემიოლოგიური ვითარება შეაფასა.
მისი განცხადებით, საქართველოში კოვიდინფიცირების ახალი შემთხვევების დღიური მაჩვენებლები იკლებს, თუმცა, ყველაზე მძიმე ინდიკატორის შემთხვევაში, მონაცემები მზარდია.
„ნოემბრის შუა რიცხვებიდან, ახალი შემთხვევების ნელი ტემპით კლების პოზიტიური დინამიკაა. ეპიდსიტუაციასთან დაკავშირებული ისეთი ინდიკატორები, როგორებიცაა ინციდენტობა, ანუ ახალი შემთხვევების რაოდენობა 100 000 მოსახლეზე, კუმულაციური ინციდენტობა იკლებს, ბოლო 7 და ბოლო 14 დღის დადებითობის მაჩვენებელი უკვე 6%-ს ჩამოსცილდა და 5%-ის ფარგლებშია. ერთადერთი, რაც, სამწუხაროდ, ისევ ზემოთ წავიდა, არის ყველაზე მძიმე ინდიკატორი - სიკვდილიანობის მაჩვენებელი. 17 გარდაცვლილია მილიონ მოსახლეზე, რაც, დაახლოებით, ორჯერ მეტია ჩვენს ზღურბლოვან ინდიკატორზე“, - აღნიშნა ამირან გამყრელიძემ.
სიახლეები
- "საქართველოს მთავრობის მეთაურთან ნათლად ვთქვი, რომ ეს კანონი შეცდომაა და არ უნდა იქნას მიღებული" - ოლაფ შოლცი
- "ვთავაზობ აქციებში მონაწილე ახალგაზრდებს, გამოყონ 10-მდე წარმომადგენელი, რომელთანაც გავმართავ საჯარო დისკუსიას" - პრემიერი
- "სალომე ზურაბიშვილი არის კონსტიტუციის პირველი დამრღვევი" - კახა კალაძე
- "დღეს, თბილისსა და სხვადასხვა კუთხეში ასობით ათასი მოქალაქის გამოსვლით, ფაქტობრივად, რეფერენდუმი შედგა" - შალვა პაპუაშვილი
- "დიდი მნიშვნელობა არ აქვს გაიწვევენ თუ არა ამ კანონს, რადგან მთელი სურათი შემაშფოთებელია" - პრეზიდენტი