„ჩვენ გვაქვს პროგრამა, რომლის მიხედვითაც სოციალურად დაუცველებისთვის ქულების მინიჭების სისტემა უნდა გავაუქმოთ. სისტემა არასწორად მუშაობს და დამოკიდებულია არა კომპიუტერზე, როგორც ამას გვიმტკიცებენ, არამედ კონკრეტულ აგენტზე, მის კეთილგანწყობაზე და ნება-სურვილზე. ზოგადად, ვფიქრობ, სოციალურად დაუცველის სტატუსის მატარებელი ხალხი ქვეყანას არც უნდა ჰყავდეს. დღეს 800 000 ადამიანს აქვს ეს სტატუსი და მათ შორის 400 000-ს აბსოლუტურად დაუმსახურებლად. რაც შეეხება დარჩენილ 400 000-ს, მათი უმრავლესობა ცხოვრობს ქალაქებში და ბუნებრივია, საარსებო საშუალებები სჭირდება. რაც შეეხება სოფლებს, იქ საარსებო საშუალება ყოველთვის მოიძებნება და აქ მართლა პოლიტიკური დივიდენდების ჩაწერის პროცესი მიმდინარეობს. სულ რაღაც 0,1 პროცენტი შეიძლება საჭიროებდეს მსგავს დახმარებას. ისიც ან შშმ პირია და შესაბამისი თანხა უნდა მიიღოს, ან პენსიონერი და ღირსეული პენსია უნდა დაენიშნოს. რაც შეეხება ქალაქში მაცხოვრებლებს, ვფიქრობ, მათ ერთჯერადი დახმარება უნდა მიეცეს, მაგალითად, 1000 ან  2000 ლარი და მცირე დროში სახელმწიფომ საკუთარი მოქალაქე სამსახურით უნდა უზრუნველყოს, რომ მან სტატუსის მინიჭების გარეშე საარსებო რესურსის საკუთარი შრომით შოვნა შეძლოს,“ - განაცხადა მამუკა ტუსკაძემ.  

(NS)