„თბილისი ვარაუდობს, რომ რუსეთთან სახმელეთო საზღვარი უკვე აგვისტოსათვის გაიხსნება, - ამის შესახებ „იზვესტიას“ განუცხადა ზურაბ აბაშიძემ, საქართველოს პრემიერ-მინისტრის სპეციალურმა წარმომადგენელმა რუსეთთან ურთიერთობის საკითხებში, -  გადაწყვეტილება დამოკიდებულია პანდემიის განვითარებაზე და კოორდინირებული იქნება რუსული მხარის მიერ, თუმცა პირდაპირი ავიამიმოსვლის განახლებას მაინც ნუ ვიჩქარებთ... საერთოდ, ქართული მხარე მზადაა აღადგინოს პირდაპირი ფრენები რუსეთში, მაგრამ რადგანაც კორონავირუსის პანდემია არ დასრულებულა, ამიტომ ავიარეისების დაწყებაზე საუბარი ჯერ ადრეა“.

ამასთან, როგორც „იზვესტიას“ რუსეთის ფედერაციის საბჭოში განუცხადეს, ჯერ-ჯერობით არანაირი ნიშნები არ არის იმისა, რომ საქართველო მოსკოვთან დიალოგის ნორმალიზებას ცდილობს და ხაზი გაუსვეს: „თბილისში დღეს, ანტირუსული დემონტრაციებიდან ერთი წლის შემდეგ, არსებული ატმოსფერო პრაქტიკულად არ შეცვლილა - [ისევ იგეგმება ანტირუსული აქციები]. თუ საქართველოს რუსეთთან ურთიერთობის ნორმალიზება სურს, მან უნდა დაარწმუნოს მოსკოვი, რომ მდგომარეობა რეალურად, პრაქტიკულად ნორმალურიია და ახლა შეიძლება ავიამიმოსვლის აღდგენა. დღეს ბურთი საქართველოს მხარეზეა“. 

რუსი ტურისტული ოპერატორების თქმით, რუსეთიდან საქართველოში ტურისტთა ნაკადი ზრდას ხელს  უმეტესად ავიამიმოსვლა უწყობდა: „დიახ, სახმელეთო გზითაც ხდებოდა ტურისტების შესვლა, მაგრამ მაინცდამაინც დიდი რაოდენობა არ შეიმჩნეოდა, ლომის წილი ავიარეისებს ჰქონდათ. ახლაც, თუ საქართველოს საზღვარი გაიხსნება, სახმელეთო გზით ტურისტები ნაკლებად ისარგებლებენ“.

მოამზადა სიმონ კილაძემ

წყარო: https://iz.ru/1025832/elnar-bainazarov/unesennye-letom-gruziia-rasschityvaet-otkryt-granitcu-s-rf-v-avguste