როგორც პუბლიკაციაშია აღნიშნული, საქართველოში 2015 წლის 15 ივლისის სემდეგ, ანუ როცა FETÖ-ს ტერორისტულმა ორგანიზაციამ თურქეთში სამხედრო გადატრიალების მცდელობა მოაწყო, საქართველოში ფეთულა გიულენის მიერ გახსნილი საგანმანათლებლო დაწესებულებების რაოდენობა თანდათან შემცირდა - ლიცენზიები გაუუქმდა რიგ სკოლებს და კოლეჯებს ბათუმში, თბილისში, რუსთავში... დღეისათვის დარჩა მხოლოდ სამი დაწესებულება, რომელთაგან ყველაზე მსხვილი შავი ზღვის საერთაშორისო უნივერსიტეტია.

საქართველოში თურქეთის ელჩის ფატმა იაზგანის თქმით, თურქულ მხარეს მუდმივად აქვს კავშირი ქართულ სამსახურებთან იმ ინფორმაციის გაცვლის მიზნით, რომელიც „ფეტო“-ს დანაშაულებრივი ორგანიზაციის შესახებ არის მოძიებული. ეს ეხება საქართველოში არსებულ ქსელსაც, ანუ იმ ორგანიზაცია-დაწესებულებებს, რომლებიც „ფეტო“-ს მიერ ფინანსდებიან. მათი მეშვეობით „ფეტო“-სთან დაკავშირებული პირები საქართველოდან ევროპაში გადადიან.

„ფეტო“ საქართველოში სულ უფრო კარგავს თავის ძალას და სუსტდება. თბილისი შესაბამის ზომებს იღებს მის წინააღმდეგ, რაც სასარგებლოა თვით საქართველოს განვითარებისთვისაც. ჩვენი მიზანია აღვკვეთოთ ამ ორგანიზაციის საქმიანობა, რომელიც საქართველო-თურქეთის ურთიერთობის ხელშემშლელ ფაქტორს წარმოადგენს. „ფეტო“ საქართველოში ანტითურქულ საქმიანობას ეწეოდა“, - განაცხადა თურქმა ელჩმა „ანადოლუ“-ს კორესპონდენტთან საუბრისას.

„დღეისათვის, კორონავირუსის პანდემიის მიუხედავად, საქართველო-თურქეთის ურთიერთობა კიდევ უფრო მტკიცდება, ვაჭრობა ფართოვდება... შესაბამისად, ორი კეთილი მეგობარი და სტრატეგიული პარტნიორი ქვეყანა არ მისცემს შესაძლებლობას ტერორისტულ ორგანიზაციებს, მათ შორის „ფეტო“-ს, რომ მათი თანამშრომლობა შეარყიოს“, - აღნიშნა  ელჩმა და ხაზი გაუსვა, რომ თურქეთი მუდმივად ახმარს თავის ძალისხმევას საქართველოსთან ურთიერთობის განმტკიცებას.

მოამზადა სიმონ კილაძემ

წყარო:

https://www.aa.com.tr/tr/15-temmuz-darbe-girisimi/turkiyenin-tiflis-buyukelcisi-yazgan-fetonun-gurcistandaki-gucu-gittikce-azaliyor/1910971