"ვთავაზობ „ოცნებას“, მეცხრე მოწვევის პარლამენტმა ჩაატაროს რიგგარეშე სხდომა"
„მე რომ ვიყო ხელისუფლება და ასეთ პოლიტიკურ კრიზისში ვიყო, გამოვიდოდი და ვიტყოდი, არ მეშინია კიდევ ერთხელ დავდო შედეგი, არ მეშინია ხელახალი არჩევნების ჩატარების, არ გავაღრმავებ პოლიტიკურ კრიზისს და დავნიშნავ ხელახალ არჩევნებს ვთქვათ გაზაფხულზე, მოვამზადებ სათანადო საკანონდებლო ცვლილებებს ოპოზიციასთან ერთად და კიდევ ერთხელ დავდებ შედეგს“,-ამის შესახებ „პატრიოტთა ალიანსის“ ლიდერმა ირმა ინაშვილმა ევროკავშირის ელჩთან, კარლ ჰარცელთან შეხვედრის შემდეგ განაცხადა.
„პატრიოტთა ალიანსის“ ლიდერის თქმით, შექმნილ პოლიტიკურ კრიზისში, გამოსავალი ახალ არჩევნებს დანიშვნაა.
„მე ვთავაზობ „ოცნებას“, მეცხრე მოწვევის პარლამენტმა ჩაატაროს რიგგარეშე სხდომა. შეუძლია მას ამის გაკეთება. მეცხრე მოწვევის პარლამენტს შეუძლია კონკრეტული ცვლილებების განხორციელებაც და სხვათაშორის, შესაძლებელია, მეცხრე მოწვევის პარლამენტს კიდევ გაუხანგრძლივდეს საქმიანობის ვადა და ამ პერიოდში განვახორციელოთ ეს ცვლილებები. სხვადასხვა ვარიენტებზე შეგვიძლია მსჯელობა და განხორციელება“,-განაცხადა ინაშვილმა.
სიახლეები
- უცხოური ვალუტის ოფიციალური კურსი 4 ოქტომბრისთვის
- ცესკოში საერთაშორისო დამკვირვებელი ორგანიზაციების წარმომადგენლებთან შეხვედრა გაიმართა
- "აქამდე ჩვენ ვიკრიბებოდით და ვიშლებოდით, ახლა ვიკრიბებით მათ დასაშლელად" - მიხეილ სააკაშვილი
- ცესკოს ხელმძღვანელი პირები სხვადასხვა ქვეყნის საარჩევნო ადმინისტრაციების წარმომადგენლებს შეხვდნენ
- საქართველოსა და სამხრეთ აფრიკის საარჩევნო კომისიებს შორის ურთიერთგაგების მემორანდუმი გაფორმდა