შეზღუდვებზე უკვე არსებობს მსჯელობა, გურია, იმერეთი და თბილისი წითლის მიმართულებით მიდის — ტიკარაძე
ჯანდაცვის მინისტრის, ეკატერინე ტიკარაძის განცხადებით, შეზღუდვებს "არ გამორიცხავენ". მისი თქმით, რამდენიმე რეგიონი, მათ შორის, გურია, იმერეთი და თბილისი, "წითელი მიმართულებით მიდის". ამის შესახებ მან იმედის ეთერში ისაუბრა.
"შეზღუდვებთან დაკავშირებით უკვე არსებობს გარკვეული მსჯელობა, ვინაიდან ჩვენ გვაქვს საქართველოში რამდენიმე რეგიონი, რომელიც, როგორც შუქნიშანზე ვაკვირდებით, წითლის მიმართულებით აქტიურად მიდის, ეს არის — იმერეთი, გურია და თბილისი, სადაც ყველაზე მეტი არის მობილობა. კოეფიციენტი დადებითობის ამ ეტაპისთვის გვაქვს 2,2 და ასევე, ინფექციის გავრცელების კოეფიციენტი 1-ს აღემატება, რაც მეტ სიფრთხილეს მოითხოვს. არ გამოვრიცხავთ [შეზღუდვებს]", — განაცხადა მან.
საქართველოს მასშტაბით საკოორდინაციო საბჭოს გადაწყვეტილებით, 25 თებერვლიდან შეზღუდვები შემსუბუქება დაიწყო. 25 თებერვალი აღდგა საქალაქთაშორისო ტრანსპორტი; გაიხსნა სასტუმროები სამთო კურორტებზე. 1-ლი მარტიდან მუშაობას აღადგინეს კერძო და საჯარო ბაღებმა; განახლდა კონფერენციები და ტრენინგები; 8 მარტიდან გაიხსნა სამთო კურორტებზე საბაგიროები, ხოლო სავაჭრო მოლები და ბაზრობები მუშაობას შაბათ-კვირასაც განაახლეს
სიახლეები
- "სანქციები რომ დააკისრონ ქვეყანას და ხალხს, ეს მიდგომა არასწორია"- ირაკლი ღარიბაშვილი
- "თურქეთი საქართველოს ევროატლანტიკურ სივრცეში გაწევრიანების მომხრედ რჩება და როგორც ადრე, ახლაც ისტორიის სწორ მხარეს დგას"
- პრეზიდენტმა „უცხოური გავლენის გამჭვირვალობის შესახებ” კანონს ვეტო დაადო
- "გავიგე, რომ ნატა ფერაძეს ოჯახთან ერთად მოუწია ქვეყნის დატოვება, რადგან დაჭერას უპირებდნენ სახელმწიფო გადატრიალების ბრალდებით"
- "პრეზიდენტად წოდებულს, ქალბატონს, რომ არ აინტერესებს კონსტიტუცია, ქვეყნის ინტერესები, ცხადი" - ირაკლი ღარიბაშვილი