COVID-იმუნიტეტი, შესაძლოა, წლების განმავლობაში შენარჩუნდეს
მეცნიერებმა დაადგინეს, რომ კორონავირუსის მიმართ იმუნიტეტი ადამიანთა გარკვეულ კატეგორიებში, შესაძლოა, ერთი წლის განმავლობაში ან კიდევ უფრო მეტხანს შენარჩუნდეს.
ეს ეხება მათ, ვინც COVID-19-ისგან გამოჯანმრთელდა, და შემდეგ კორონავირუსი საწინააღმდეგო აცრა გაიკეთა. ამის შესახებ გამოცემა The New York Times მეცნიერების მიერ ჩატარებულ კვლევაზე დაყრდნობით წერს.
მეცნიერები აცხადებენ, რომ კოვიდგატანილ პაციენტებს, რომლებმაც ვაქცინაცია ჩაიტარეს, რეგულარულად აცრის გაკეთება აღარ დასჭირდებათ. ამასთან, ვაქცინირებულებს, რომლებიც არასდროს ყოფილან კორონავირუსით დაინფიცირებულები, ვაქცინაცია რეგულარულად დასჭირდებათ.
მკვლევარებმა გააანალიზეს იმ ადამიანების მონაცემები, ვინც კორონავირუსით დაახლოებით ერთი წლის წინ დაინფიცირდა.
სენტ-ლუისში ვაშინგტონის უნივერსიტეტის მკვლევარების მიერ ჩატარებული კვლევის თანახმად, უჯრედები, რომლებიც ინახავს ვირუსის მეხსიერებას, შენარჩუნებულია ძვლის ტვინში და საჭიროების შემთხვევაში, მათ ანტისხეულების გამომუშავება შეუძლიათ.
სხვა გამოკვლევამ აჩვენა, რომ მეხსიერების B უჯრედები განაგრძობენ დამწიფებას და გაძლიერებას საწყისი ინფექციიდან მინიმუმ 12 თვის განმავლობაში.
აღსანიშნავია, რომ ორივე კვლევაზე რეცენზია ჯერ არ გაცემულა.
”დაინფიცირებულ და ვაქცინირებულ ადამიანებს აქვთ უზარმაზარი იმუნური რეაქცია და აქვთ ანტისხეულები, რადგან ისინი განაგრძობენ საკუთარი ანტისხეულების გამომუშავებას. ველოდები, რომ ეს ანტისხეულები დიდხანს იმუშავებენ ორგანიზმში”, - ამბობს იმუნოლოგი მიშელ ნუსენცვეიგი.
სიახლეები
- ფრიდონ ინჯია პარლამენტს სახელმწიფო გერბზე გაკეთებული დევიზის „ძალა ერთობაშია“ შეცვლას და მის ნაცვლად, „ენა, მამული, სარწმუნოების“ დაწერას სთავაზობს
- "ახლა რაც ხდება არის ბრძოლა მომავალსა და წარსულს შორის, ფრონტის ხაზი გავლებულია და დარწმუნებული ვარ, ის მომავლის გამარჯვებით დასრულდება" - გია ხუხაშვილი
- „ჩვენი ერთობლივი მომავალი ევროპაშია!“ - ზურაბიშვილი ზელენსკის ტელეფონით ესაუბრა
- პაპუაშვილმა „ქარაფშუტა პოლიტიკოსი“ უწოდა გერმანიის ბუნდესტაგის საგარეო კომიტეტის თავმჯდომარეს
- "ლაზარე გრიგორიადისს სპეცრაზმის თანამშრომლები მივარდნენ, ვიდრე პოლიციის მანქანაში ჩასვამდნენ, მანამდე სცემეს, ძირს დააწვინეს და ურტყეს, აგინებდნენ - დაზიანებები სახეზე და თავზე აქვს, ბორკილებისგან დაწითლებული აქვს ხელები " - ადვოკატი