როდის და რომელი ტესტი უნდა გავიკეთოთ ანტისხეულების გამოსავლენად
ინფექციონისტ მაია ბუწაშვილის განმარტებით, ორგანიზმში ანტისხეულების რაოდენობის გადამოწმება აუცილებელი არ არის, თუმცა სურვილის შემთხვევაში, მოქალაქეებს მეორე აცრიდან ორი კვირის შემდეგ ტესტის გაკეთება შეუძლიათ.
ბუწაშვილმა ასევე განმარტა, რომ ვაქცცინირებულმა და კოვიდგადატანილმა ადამიანებმა ანტისხეულების რაოდენობის დასადგენად სხვადასხვა ტესტი უნდა ჩაიტარონ.
"პირველ რიგში, ვაქცინირებულებმა და კოვიდ გადატანილებმა სხვადასხვა ტესტი უნდა გაიკეთონ. ტესტის გაკეთების დროს ლაბორატორია აუცილებლად უნდა ჩააყენონ საქმის კურსში, რატომ სურთ ტესტის გაკეთება, რადგან როდესაც ადამიანი ბუნებრივად გადაიტანს ვირუსს, მას სხვა ტიპის ანტისხეულები აქვს. ზოგჯერ დაბნეულობაა ხოლმე, ვაქცინირებულებს უარყოფითი აქვთ ტესტის პასუხი და აღმოჩნდება, რომ ის ტესტი არ აქვთ გაკეთებული, რომელიც საჭირო იყო. პირველ რიგში ესაა აუცილებელი", - განაცხადა ბუწაშვილმა.
ამასშთან, როგორც ბუწაშვილმა აღნიშნა, ყველა ადამიანის იმუნური სისტემა განსხვავებულია, თუმცა აღსანიშნავია ისიც, რომ იმ პირებს, რომლებმაც ვირუსი მძიმედ გადაიტანეს, უფრო მეტი ანტისხეული აქვთ, ვიდრე მსუბუქ ან უსიმპტომო პაციენტებს.
"ყველა ადამიანის იმუნური სისტემა განსხვავდება ერთმანეთისგან და პასუხი როგორც ინფექციებზე, ისე ვაქცინებზე არის განსხვავებული. ბუნებრივი იმუნიტეტის შემთხვევაში, ანუ ვინც გადაიტანს კოვიდს პროპორციულია დაავადების სიმძიმესთან. რაც უფრო მძიმედ გადააქვს ადამიანს კოვიდი, მით უფრო მაღალი აქვს ანტისხეულები და უფრო მეტს ხანს მიყვება, ვიდრე უსიმპტომოებს და მსუბუქ პაციენტებს", - განაცხადა ბუწაშვილმა.
სიახლეები
- "შეგვიძლია ვეტოს პროცედურა გამოვიყენოთ ცვლილებებისთვის" - ირაკლი კობახიძე
- "მეთოდები, რომლებსაც დღეს ქუჩებში მშვიდობიანი დემონსტრანტების წინააღმდეგ იყენებენ, ძალიან რუსული, დაშინების მეთოდია" - პრეზიდენტი
- პარლამენტთან აქციაზე ევროკავშირის რამდენიმე წევრი ქვეყნის პარლამენტის საგარეო საქმეთა კომიტეტების თავმჯდომარეები მივიდნენ
- ქუთაისის მუნიციპალიტეტში ქალების ავტობუსის მძღოლებად მომზადების კურსებზე მიღება იწყება
- "გამჭვირვალობის კანონი ქმნის მტკიცე გარანტიებს გრძელვადიანი მშვიდობის უზრუნველსაყოფად და ე.წ. პოლარიზაციის დასაძლევად, რაც ევროკავშირში ინტეგრაციის აუცილებელი პირობაა"