კორონავირუსის "დელტა“ ვარიანტი ჩუტყვავილასავით გადამდებია
კორონავირუსის "დელტა" ვარიანტი ბევრად უფრო გადამდებია და შესაძლოა, უფრო სერიოზული დაავება გამოიწვიოს, ვიდრე ვირუსის ყველა სხვა ცნობილი ვერსიას.
ინფორმაციას New York Times აშშ-ის დაავადებათა კონტროლისა და პრევენციის ცენტრის კვლევაზე დაყრდნობით ავრცელებს.
სააგენტოს დირექტორის, როშელ ვალენსკის თქმით, ინფიცირებული ვაქცინირებული ადამიანების „ცხვირი და ყელი დიდი რაოდენობის ვირუსის მატარებელია“. ეს კი ნიშნავს, რომ „დელტა“ ვარიანტით დაინფიცირებული ვაქცინირებული ადამიანები, რომლებსაც ვირუსის სიმპტომები არ აქვთ, ისეთივე გადამდებები არიან, როგორც არავაქცინირებულები.
ამასთან, ვალენსკის თქმით ვაქცინირებული პირებიდან გადადება იშვიათია, თუმცა სხვა მეცნიერები ვარაუდობენ, რომ ის, შესაძლოა, უფრო გადამდები იყოს, ვიდრე მანამდე ეგონათ.
დოკუმენტში აღნიშნულია, რომ სააგენტოს შემდეგი ნაბიჯი უნდა იყოს "აღიარება, რომ ომი შეიცვალა".
დოკუმენტის თანახმად, როდესაც ვირუსი ცდილობს შეაღწიოს ფილტვებში, იმუნური უჯრედები ვაქცინირებულ ადამიანებში სწრაფად აღმოფხვრის ინფექციას. ეს ნიშნავს, რომ ვაქცინირებული ადამიანები ინფიცირებულები და გადამდებები გაცილებით მოკლე პერიოდის განმავლობაში არიან, ვიდრე არავაქცინირებულები.
ამასთან, აღნიშნულია ვაქცინები ხელს უშლის სერიოზულ დაავადებებს, ჰოსპიტალიზაციას და სიკვდილს.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი