"ეს გაახშირებს და გააძლიერებს ვირუსის მუტაციას" - მაია ზალდასტანიშვილი
ინფექციური პათოლოგიის და შიდსის ცენტრის მიმღები განყოფილების გამგე მაია ზალდასტანიშვილი აცხადებს, რომ თუ მოსახლეობის ნაწილი აცრაზე უარს იტყვის, ეს კორონავირუსის ახალ მუტაციებს შეუწყობს ხელს.
ამასთან, მისი განმარტებით, აუცრელი ადამიანი არა მხოლოდ საკუთარ, არამედ ახლობლების სიცოცხლესაც დებს სასწორზე.
"ფაქტია, ამ რეგულაციებით ის მაინც მოვიპოვეთ, რომ ვაქცინირებულთა რაოდენობა გაიზარდა და შემცირდა ინფიცირებულთა რაოდენობა.
იმ ფაქტმა, რომ ადამიანი არ იცრება, ანუ არ არის ვაქცინირებული და მოსახლეობის მხოლოდ ნაწილია აცრილი, შეიძლება კიდევ უფრო გაახშიროს და გააძლიეროს ვირუსის მუტაცია. ამაზეც ვიფიქროთ. ასევე, თვითონ პიროვნება, ვინც ვაქცინირებული არ არის, სასწორზე დებს თავის თავსაც და ასევე მის ახლობლებს.
ამიტომ, ჩვენც ექიმებმაც, ყველა სიტყვა ჩვენი მოვზომოთ, დავფიქრდეთ და ისე ვთქვათ ხმამაღლა, რომ არ მივიდეთ სავალალო შედეგამდე და კიდევ არ ავარდეს ინფიცირებულთა რიცხვი და არ ჩავარდეს კლინიკა გაუსაძლის მდგომარეობაში," - განაცხადა მაია ზალდასტანიშვილმა.
სიახლეები
- "ოფიციალურ პირებს ჯერ კიდევ აქვთ შანსი გადახედონ საკანონმდებლო ინიციატივას" - ოლივერ ვარჰეი
- "უცხოელი მინისტრები არიან გამოსასვლელები და ხალხი არ გვყავსო, დიდი პანიკაა „ნაცებში“, გმირთა მოედნიდან მოხსნეს ხალხი, მიჰყავთ რუსთაველზე"
- უცხოური ვალუტის ოფიციალური კურსი 16 მაისისთვის
- “საქართველოს კურსი ევროკავშირისაკენ ბეწვზე ჰკიდია!”- უცხოური პრესა
- "ვერსად ვნახე რა ჰქვია ფსიქიკურად აშლილი პირების მმართველობას" - კახა გოგოლაშვილი