"კოვიდისგან გადარჩენილი თითოეული სიცოცხლე უმნიშვნელოვანესია"- პროექტის ფარგლებში, ქუთაისში ბრენდირებული პირბადეები და სტიკერები დარიგდა
პროექტი „ვაქცინაციის შესახებ დადებითი ინფორმაციის მიწოდებით მოსახლეობის ცნობიერების ამაღლება“ ხორციელდება „რეგიონების უზრუნველყოფა ინფორმაციით და ამომრჩეველთა გაძლიერება დემოკრატიისათვის“- DRIVE Democracy მცირე გრანტების მხარდაჭერით.
აღნიშნული პროექტის ფარგლებში, ქუთაისში დამზადდა და დარიგდა ბრენდირებული პირბადეები, სტიკერები - ტელეფონისთვის, ლეპტოპისთვისა და ავტომანქანისთვის. ასევე ქუთაისში მცხოვრები მოსახლეობა გაეცნო საინფორმაციო ტრიფლეტებს ვაქცინაციის შესახებ, საზოგადოებაში გავრცელებულ მითებსა და რეალობაზე.
პროექტის მნიშვნელობასა და მიზნებზე FirstNews.ge- თან პროექტის კოორდინატორმა თათა კაჭკაჭიშვილმა ისაუბრა:
"რთული ეპიდემიოლოგიური ვითარებისას, მაშინ, როდესაც მაღალია, როგორც კორონავირუსით დაინფიცირების, ასევე ვირუსით გამოწვეული გართულების შედეგად გარდაცვლილთა რიცხვი, ყველა ძალისხმევა, დაარწმუნო ადამიანი ვირუსის საწინააღმდეგო ვაქცინაციის სარგებელში, უმნიშვნელოვანესია. ჩვენ, ამ პროექტით ვეცადეთ, სხვადასხვა პლატფორმის გამოყენებით, როგორც ონლაინ ასევე პირისპირ გასაუბრებით, მიგვეწოდებინა მოქალაქეებისთვის სწორი ინფორმაცია, სტატისტიკაზე და კვლევებზე დაფუძნებული ამბები, ასევე გვეჩვენებინა ადამიანები, რომლებმაც პირადი გამოცდილება გაგვიზიარეს, ვაქცინაციის შედეგზე, ვირუსის პრევენციისთვის.
პროექტის მიზანი იყო, რაც შეიძლება მეტ ადამიანს გაეგო პროფესიონალებისგან, ექიმებისა და ეპიდემიოლოგებისგან არსებული რეალობის შესახებ. ვფიქრობ, გამოყენებული საშუალებებით ჩვენ ეს შევძელით, რადგან ასეულობით ადამიანი მოიცვა პუბლიკაციებმა და ვიდეორგოლებმა. მოგეხსენებათ, თუ რა ძალა აქვს ინფორმაციის მრავალ პლატფორმაზე ერთდროულად გავრცელებას, პირადი მაგალითების ჩვენებას, პოპულარულ ენაზე მიწოდებულ ამბებს. ვფიქრობთ, რომ მრავლად იქნებიან ადამიანები, რომლებიც პროექტის გაცნობის შემდეგ, კორონავირუსის პრევენციისთვის ვაქცინაციის ჩატარებას გადაწყვეტს. თითოეული ადამიანის სიცოცხლის გადარჩენა კოვიდ19 –ის პანდემიისას უმნიშვნელოვანესია,"- აცხადებს ჩვენთან საუბარში თათა კაჭკაჭიშვილი.
DRIVE Democracy ხორციელდება აღმოსავლეთ ევროპის ცენტრი მრავალპარტიული დემოკრატიისთვის (EECMD) მიერ, USAID-ის ფინანსური მხარდაჭერით და ეკონომიკური პოლიტიკის კვლევის ცენტრთან (EPRC) თანამშრომლობით. პროექტით გათვალისწინებული აქტივობები ემსახურება, ამომრჩეველთა ინფორმირებასა და გაძლიერებას, არჩეული თანამდებობის პირების პოლიტიკური პასუხისმგებლობის ხარისხობრივ გაზრდასა და პოლიტიკური პარტიების პროგრამებში მოქალაქეთა ინტერესების გათვალისწინებას.
სიახლეები
- „ქართული ოცნების“ ორგანიზებული „საყოველთაო სახალხო შეკრება“ დასრულდა
- "არჩევნების შემდეგ „ნაციონალური მოძრაობა“ მკაცრად აგებს პასუხს ყველა იმ დანაშაულისთვის, რომელიც მან ორი ათწლეულის მანძილზე ქართველი ხალხის წინააღმდეგ ჩაიდინა"
- "გლობალური ომის პარტიის აგრესიის მიზეზია, რომ ძალისხმევის მიუხედავად, საქართველო მეორე ფრონტად ვერ აქცია" - ბიზინა ივანიშვილი
- "საქართველო უნდა მართოს ქართველი ხალხის მიერ არჩეულმა ხელისუფლებამ" - ბიძინა ივანიშვილი
- "პირველად გვაქვს ხანგრძლივი და უწყვეტი მშვიდობა ქვეყანაში, რომელიც პირველ რიგში, ჩვენი ლიდერის, ბიძინა ივანიშვილის დამსახურებაა"