"შესაძლებელია, დღეს გამოვლენილი 15 ათასი შემთხვევის გარდა, კიდევ ერთი ამდენი ინფიცირებული იყოს"
ჯანდაცვის მინისტრის მოადგილის, თამარ გაბუნიას განცხადებით, შესაძლებელია, დღეს გამოვლენილი 15 ათასი შემთხვევის გარდა, კიდევ ერთი ამდენი ინფიცირებული იყოს, რომლებთანაც ვირუსი მსუბუქად, უსიმპტომოდ მიმდინარეობს და პირი ვერ ამჩნევს.
„ჰოსპიტალიზაციის მოსალოდნელი პროცენტი „ომიკრონის“ შემთხვევაში ძალიან დაბალია - 1% ან 2%. ჩვენ დღეს დაახლოებით, 5%-იან ჰოსპიტალიზაციაზე ვართ და საწოლფონდის 45% თავისუფალია. ჩვენ ვიყენებთ ჯანდაცვის გაზომვების პროგნოზებს. დღეს გამოვლენილი 15 ათასი შემთხვევიდან შესაძლებელია კიდევ ერთი ამდენი ისედაც იყოს, რომელიც მსუბუქად, უსიმპტომოდ მიმდინარეობს და პირი ამას ვერც ამჩნევს. რთული სათქმელია - შესაძლებელია იყოს მატება, შესაძლებელია დავრჩეთ 15 ათასზე, შეიძლება იყოს უფრო მეტიც. ამ შემთხვევაში მნიშვნელოვანია ის, რომ მიმდინარე ეტაპზე არა მხოლოდ ჰოსპიტალურ სექტორზე ვისაუბროთ. მთავარია ვისაუბროთ ბინაზე და პაციენტის მართვის შესაძლებლობებზე, რაც ქვეყანას ამ ეტაპზე საკმაოდ კარგი აქვს. კიდევ უფრო მეტად გაძლიერდება საკომუნიკაციო კამპანია და პაციენტებთან საუბარი იმასთან დაკავშირებით, თუ როგორ უნდა მოიქცნენ თავად ბინაზე დარჩენის შემთხვევაში და მათი მდგომარეობა არ საჭიროებს განსაკუთრებულ მეთვალყურეობას“, - განაცხადა გაბუნიამ.
სიახლეები
- „ქართული ოცნების“ ორგანიზებული „საყოველთაო სახალხო შეკრება“ დასრულდა
- "არჩევნების შემდეგ „ნაციონალური მოძრაობა“ მკაცრად აგებს პასუხს ყველა იმ დანაშაულისთვის, რომელიც მან ორი ათწლეულის მანძილზე ქართველი ხალხის წინააღმდეგ ჩაიდინა"
- "გლობალური ომის პარტიის აგრესიის მიზეზია, რომ ძალისხმევის მიუხედავად, საქართველო მეორე ფრონტად ვერ აქცია" - ბიზინა ივანიშვილი
- "საქართველო უნდა მართოს ქართველი ხალხის მიერ არჩეულმა ხელისუფლებამ" - ბიძინა ივანიშვილი
- "პირველად გვაქვს ხანგრძლივი და უწყვეტი მშვიდობა ქვეყანაში, რომელიც პირველ რიგში, ჩვენი ლიდერის, ბიძინა ივანიშვილის დამსახურებაა"