"სასწრაფომ არ წამიყვანა, 4 კილომეტრი და აღმართები ფეხით ვიარე" - ნოდიკო ტატიშვილი
კორონავირუსით ინფიცირებული მომღერალი ნოდიკო ტატიშვილი აცხადებს, რომ ის კლინიკაში ჩატარებული გამოკვლევების შემდეგ სასწრაფომ სახლში არ გადაიყვანა და შინ ტაქსით დაბრუნება შესთავაზა.
ნოდიკო ტატიშვილის თქმით, მან ტაქსით წასვლაზე უარი თქვა და დაახლოებით, 4 კილომეტრი ფეხით იარა.
"გამოკვლევები რომ დამთავრდა სასწრაფოს ვურეკავდი, გადავეყვანე სახლში და მითხრეს, რომ კოვიდინფიცირებული პაციენტი ტაქსით უნდა წავსულიყავი. ვუთხარი, რომ არც ერთ შემთხვევაში ტაქსიში არ ჩავჯდებითქო, დამაკვალიანეს, რომ სასწრაფოს პროტოკოლით არ ეკუთვნის კოვიდპაციენტის სახლში გადაყვანაო. ავდექი და ფეხით წავედი სახლში. აქედან სახლამდე არის დაახლოებით 4 კილომეტრზე მეტი, აღმართები და ა.შ.
სახლში მისვლისთანავე ვიყავი ძალიან ცუდად, მივხვდი, რომ უფრო მეტად გამირთულდა სუნთქვა. გუშინწინდელ ამბებს გიყვებით.
გუშინ გადმოვედი უკვე ბოჭორიშვილის კლინიკაში და მადლობა, საოცარი მედპერსონალია, მეც და ყველას ძალიან დიდ ყურადღებას გვაქცევენ," - განაცხადა ნოდიკო ტატიშვილმა.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი