იუსტიციის მინისტრი რატი ბრეგაძე ქუთაისის იუსტიციის სახლში იმყოფებოდა
პრობაციონერებისთვის შექმნილი ინოვაციური მოწყობილობით - PROBBOX-ით სარგებლობის გამოცდილების გაცნობის მიზნით იუსტიციის მინისტრი რატი ბრეგაძე, იმერეთში სახელმწიფო რწმუნებული ზვიად შალამბერიძე და ქალაქის მერი იოსებ ხახალეიშვილი, ქუთაისის იუსტიციის სახლში იმყოფებოდნენ.
მოწყობილობის შექმნის და მისი სარგებლობის შესახებ ინფორმაცია სტუმრებს დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს უფროსის მოადგილემ, ლადო ხელაძემ გააცნო.
2022 წლის იანვრის მონაცემებით, თბილისში, თელავში, გორში, ქუთაისში, ზუგდიდსა და ბათუმში, პრობაციონერები PROBBOX-ით უკვე აქტიურად სარგებლობენ. მოწყობილობა, რომელიც 2021 წლის დეკემბრიდან, საქართველოს 6 დიდ ქალაქის იუსტიციის სახლებში დაინერგა, პრობაციონერთა ელექტრონულ კონტროლსა და მომსახურებას, მეტი ანონიმურობის დაცვით, პრობაციის ბიუროებთან ერთად, ალტერნატიულ შენობებში უზრუნველყოფს.
იუსტიციის მინისტრმა, იმერეთის პრობაციის რეგიონული ბიუროს განახლებული ოფისი მოინახულა, სადაც თანამშრომლებისთვის თანამედროვე სამუშაო გარემოა შექმნილი. ამავე შენობაში მედიაციის სივრცეც მოეწყობა, რაც სამინისტროს ერთ-ერთ სტრატეგიულ პრიორიტეტს - ქვეყნის მასშტაბით მედიაციის ხელმისაწვდომობის გაზრდას ემსახურება.
აქტიური ინფრასტრუქტურული სამუშაოების შედეგად, უკვე გაიხსნა იმერეთის პრობაციის რეგიონული ბიუროს მუნიციპალური ოფისები ზესტაფონსა და თერჯოლაში.
სიახლეები
- "ოფიციალურ პირებს ჯერ კიდევ აქვთ შანსი გადახედონ საკანონმდებლო ინიციატივას" - ოლივერ ვარჰეი
- "უცხოელი მინისტრები არიან გამოსასვლელები და ხალხი არ გვყავსო, დიდი პანიკაა „ნაცებში“, გმირთა მოედნიდან მოხსნეს ხალხი, მიჰყავთ რუსთაველზე"
- უცხოური ვალუტის ოფიციალური კურსი 16 მაისისთვის
- “საქართველოს კურსი ევროკავშირისაკენ ბეწვზე ჰკიდია!”- უცხოური პრესა
- "ვერსად ვნახე რა ჰქვია ფსიქიკურად აშლილი პირების მმართველობას" - კახა გოგოლაშვილი