ქუთაისის ოპერის თეატრში მელიტონ ბალანჩივაძის სახელობის ახალგაზრდა მუსიკოს-შემსრულებელთა საერთაშორისო კონკურსი გაიხსნა
ქუთაისის ოპერის თეატრში მელიტონ ბალანჩივაძის სახელობის ახალგაზრდა მუსიკოს-შემსრულებელთა საერთაშორისო კონკურსი გაიხსნა.
წელს კონკურსი ეძღვნება ქართული საკომპოზიტორო სკოლის და პროფესიული მუსიკალური განმანათლებლობის ერთ-ერთი ფუძემდებლის მელიტონ ბალანჩივაძის დაბადებიდან 160-ე წლისთავს.
კონკურსი ტარდება ქუთაისის მერიის მხარდაჭერით, დამფუძნებელი და ორგანიზატორია ა(ა)იპ ,,არტ-ლიგა“.
საერთაშორისო კონკურსის გახსნას ესწრებოდნენ ქუთაისის ვიცე-მერი დავით ერემიშვილი და ადგილობრივი ხელისუფლების წარმომადგენლები.
საშემსრულებლო ხელოვნებაში დამკვიდრებულ თანამედროვე ტენდენციებთან მეტად დაახლოების, მსოფლიოს სხვადასხვა ქვეყნების გამოცდილების გაზიარების, კონკურენტული არეალის გააქტიურებისა და გაფართოების მიზნით, 2022 წლის საერთაშორისო კონკურსი ტარდება მხოლოდ ფორტეპიანოს პროფილით.
კონკურსანტებს შეაფასებს კომპეტენტური საერთაშორისო ჟიური.
მელიტონ ბალანჩივაძის სახელობის ახალგაზრდა მუსიკოს-შემსრულებელთა საერთაშორისო კონკურსი 17 დეკემბერს დაიხურება.
სიახლეები
- "საქართველო ჩამოდგა რუსთაველზე საქართველოს გადასარჩენად" - თაკო ჩარკვიანი
- "ივანიშვილის უძლეველობის მითი დანგრეულია" - გიორგი გახარია
- "არა რუსეთს და არა ყველაფერს, რაც საქართველოს რუსეთისკენ მიაქანებს, საქართველოს გზა ევროპაშია"- ბუდუ ზივზივაძე
- Anonymous-ი აცხადებს, რომ საქართველოს შს სამინისტროს ვებგვერდი გატეხა
- "არაფერია იმაზე მნიშვნელოვანი, ვიდრე ქვეყანა, თავისუფლება საქართველოს და არა ძალადობას, არა რუსეთს!" - გიორგი ქოჩორაშვილი