ქუთაისს ბავშვზე მორგებული ქალაქების ინიციატივის კანდიდატის სტატუსი გადაეცა
ქუთაისს ბავშვზე მორგებული ქალაქების ინიციატივის კანდიდატის სტატუსი გადაეცა. ქალაქის მერს იოსებ ხახალეიშვილის სტატუსის დამადასტურებელი სერტიფიკატი გაეროს ბავშვთა ფონდის წარმომადგენელმა საქართველოში ღასან ხალილმა გადასცა.
ქუთაისი 2020 წელს შეუერთდა 40-ზე მეტი ქვეყნის 3000 ქალაქს და ჩაერთო ბავშვზე მორგებული ქალაქების ინიციატივაში, რომელიც გაეროს ბავშვთა ფონდის მხარდაჭერით ხორციელდება.
ქუთაისის მერიასა და გაეროს ბავშვთა ფონდის თანამშრომლობის ფარგლებში, მომზადდა სიტუაციური ანალიზის მიგნებების და რეკომენდაციების ანგარიში.
ბავშვებთან საკონსულტაციო ფორმატში შეიქმნა ბავშვზე მორგებული ქალაქის სტრატეგია და სამოქმედო გეგმა. შედეგად, ქალაქი გადავიდა ბავშვზე მორგებული ინიციატივის შემდეგ ეტაპზე და მიიღო კანდიდატი ქალაქის სტატუსი.
„მნიშვნელოვანი დღეა ქუთაისისთვის - ოფიციალურად მოგვენიჭა ბავშვზე მორგებული ქალაქების ინიციატივის კანდიტატის სტატუსი, რაც ჩვენი გუნდის მუხლჩაუხრელი შრომის შედეგია. პირველ რიგში, ეს დიდი პასუხისმგებლობაა.
ჩვენ ვაგრძელებთ მუშაობას ამ მიმართულებით და იუნისეფთან ერთად მივალთ საბოლოო სტატუსამდე, რათა ქუთაისი იყოს ბავშვზე მორგებული ქალაქი, რაც ხელს შეუწყობს ჩვენი ბავშვებისა და მოზარდების თანმიმდევრულ განვითარებას,“- განაცხადა იოსებ ხახალეიშვილმა.
ქუთაისს ბავშვზე მორგებულ ქალაქად ოფიციალურად აღიარებენ დასახული სტრატეგიისა და გეგმის წარმატებით განხორციელებისა და ბავშვზე მორგებული ქალაქების ინიციატივის სრული ციკლის წარმატებით დასრულების შემდეგ.
სიახლეები
- "ვიზიტის დათქმებით განხორციელება არ ჯდება იმ სტრატეგიული პარტნიორობის სულისკვეთებაში, მეგობრულ ურთიერთობაში, რომლითაც ჩვენ აშშ-ს ვუყურებთ"
- "გამჭვირვალობის კანონი ქართულია და საქართველოსთვისაა, ამერიკაში რატომ უნდა იყოს განხილვა"
- "დერეკ შოლესთან არ გამომიხატავს შეშფოთება ნიუ იორკში სტუდენტების პროტესტის ბრუტალური დარბევის გამო"
- "საქართველო ჩამოდგა რუსთაველზე საქართველოს გადასარჩენად" - თაკო ჩარკვიანი
- "ივანიშვილის უძლეველობის მითი დანგრეულია" - გიორგი გახარია