"დღეს ქუთაისში 480 დევნილი ბინას მიიღებს" - ირაკლი ღარიბაშვილი
დღეს 480 დევნილი მიიღებს ბინას. დასრულდა სამი 16-სართულიანი კორპუსის მშენებლობა და ჯამში 800 ოჯახი მიიღებს ბინებს ამ უბანში, - ამის შესახებ პრემიერ-მინისტრმა, ირაკლი ღარიბაშვილმა ქუთაისში განაცხადა.
„ჯამში ბოლო 10 წელიწადში ჩვენ 31 000 ოჯახს გადავეცით ბინები. ჩვენ ასევე დავიწყეთ სოფლად სახლების გადაცემის პროგრამაც, რომელიც ასევე წარმატებული აღმოჩნდა. მომდევნო 2-3 წელიწადში დამატებით 13 000 ოჯახი მიიღებს ბინებს. აქედან 7000 იქნება ბინა, 6000 კი სახლი“, - აღნიშნა ღარიბაშვილმა.
დევნილი ოჯახებისთვის სამი 16-სართულიანი კორპუსი ქუთაისში, შერვაშიძის ქუჩაზე აშენდა. საცხოვრებელი კომპლექსი თანამედროვე სტანდარტების შესაბამისია და იქ 480 დევნილ ოჯახს სრულად გარემონტებული ბინები გადაეცემა. ამავე კომპლექსში დასრულების ეტაპზეა კიდევ 320 ბინის მშენებლობა, რომლებიც დევნილ ოჯახებს უახლოეს მომავალში ჩაბარდებათ.
ჯამში კომპლექსში ბინას 800 დევნილი ოჯახი მიიღებს. კორპუსები რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა ააშენა.
სიახლეები
- „ქართული ოცნების“ ორგანიზებული „საყოველთაო სახალხო შეკრება“ დასრულდა
- "არჩევნების შემდეგ „ნაციონალური მოძრაობა“ მკაცრად აგებს პასუხს ყველა იმ დანაშაულისთვის, რომელიც მან ორი ათწლეულის მანძილზე ქართველი ხალხის წინააღმდეგ ჩაიდინა"
- "გლობალური ომის პარტიის აგრესიის მიზეზია, რომ ძალისხმევის მიუხედავად, საქართველო მეორე ფრონტად ვერ აქცია" - ბიზინა ივანიშვილი
- "საქართველო უნდა მართოს ქართველი ხალხის მიერ არჩეულმა ხელისუფლებამ" - ბიძინა ივანიშვილი
- "პირველად გვაქვს ხანგრძლივი და უწყვეტი მშვიდობა ქვეყანაში, რომელიც პირველ რიგში, ჩვენი ლიდერის, ბიძინა ივანიშვილის დამსახურებაა"